Vitamin K : అస్సలు నిర్లక్ష్యం చేయవద్దు.. విటమిన్ కె లోపిస్తే శరీరం ఇచ్చే ముఖ్యమైన హెచ్చరికలు ఇవే!

Vitamin K : మనం ఆరోగ్యంగా ఉండాలంటే, శరీరంలో తగినంత విటమిన్లు, మినరల్స్ ఉండడం చాలా ముఖ్యం అందుకే, పోషకాలు సమృద్ధిగా ఉన్న ఆహారాన్ని తప్పకుండా తీసుకోవాలి. లేకపోతే, ఏదో ఒక విటమిన్ లోపం తీవ్రమైన అనారోగ్యాలకు దారి తీయవచ్చు. ముఖ్యంగా విటమిన్ కె అనేది శరీరానికి చాలా అవసరమైన పోషకాల్లో ఒకటి. దీని కొరత మీ ఆరోగ్యానికి హాని కలిగించవచ్చు, కాబట్టి దీనిని ఎప్పుడూ నిర్లక్ష్యం చేయకూడదు. విటమిన్ కె లోపించినప్పుడు శరీరం ఎలాంటి లక్షణాలను చూపిస్తుంది. దానిని నివారించడానికి ఎలాంటి ఆహారాలు తీసుకోవాలో ఈ కథనం ద్వారా తెలుసుకుందాం.

విటమిన్ కె సాధారణంగా ఎముకలు, గుండె, మెదడు సరైన పనితీరుకు చాలా అవసరం. దీని లోపం ఏర్పడినప్పుడు తీవ్రమైన ఆరోగ్య పరిణామాలు తలెత్తవచ్చు. కొన్నిసార్లు ఇది ఎముకల పెరుగుదలలో మార్పులు, ఎముకలు బలహీనపడే ఆస్టియోపొరోసిస్ వంటి వాటికి కూడా కారణం కావచ్చు. విటమిన్ కె లోపించినప్పుడు శరీరంలో కనిపించే ముఖ్య లక్షణాలు ఇలా ఉంటాయి. గాయాలు అయినప్పుడు రక్తం త్వరగా గడ్డకట్టకపోవడం. గుండె ఆరోగ్యంపై ప్రభావం చూపుతుంది.

శ్వాస తీసుకోవడంలో ఇబ్బంది ఏర్పడుతుంది. తరచుగా వెన్ను నొప్పి, త్వరగా గాయాలు మానవు. త్వరగా అలసిపోవడం, బరువు తగ్గడం, జుట్టు రాలిపోతుంది, మీకు ఇలాంటి లక్షణాలు కనిపిస్తే, వెంటనే వైద్యుడిని సంప్రదించండి. శరీరం ఇచ్చే ఇలాంటి సూచనలను ఏ మాత్రం నిర్లక్ష్యం చేయకూడదు.

విటమిన్ కె లోపాన్ని నివారించడానికి లేదా దాని స్థాయిని పెంచడానికి మీరు ప్రతిరోజూ తీసుకునే ఆహారంలో కొన్ని ముఖ్యమైన పోషకాలు ఉండేలా చూసుకోవాలి. విటమిన్ కె సమృద్ధిగా ఉండే ఆహార పదార్థాలు:

ఆకు కూరలు: మెంతులు, పాలకూర .

ధాన్యాలు: గోధుమ, బార్లీ, మొలకెత్తిన ధాన్యాలు

దుంపలు: ముల్లంగి, బీట్‌రూట్.

పండ్లు: అరటిపండు, జ్యూసీ ఫ్రూట్స్

ఇతర వనరులు: ఎండు మిరపకాయలు, గుడ్లు, మాంసం.

ఈ ఆహారాలను మీ రోజువారీ ఆహార ప్రణాళికలో చేర్చుకోవడం ద్వారా విటమిన్ కె లోపాన్ని సమర్థవంతంగా నివారించవచ్చు. మీ ఎముకలు, గుండె ఆరోగ్యాన్ని మెరుగుపరచుకోవచ్చు.