Beer Bike: బీరుతో నడిచే బైక్‌.. పెట్రోల్ అవసరమే లేదు.. మైలేజ్ చూస్తే పరేషాన్ అవ్వాల్సిందే..!

Fuel Of Beer: బైక్ ప్రియులకు అతిపెద్ద సవాలు బైక్‌కు పెట్రోల్ పోయడం. బండి బయటకు తీయాలంటే పెట్రోల్ లేనిది కుదరదు. అయితే, అమెరికాకు చెందిన ఓ కుర్రాడు అద్భుతం చేశాడు. పెట్రోల్‌, డీజిల్‌ అవసరం లేని బైక్‌ని ఈ కుర్రాడు కనిపెట్టాడు. ఈ బైక్ బీరుతో మాత్రమే నడుస్తుంది. అంతే కాదు ఈ బైక్ మైలేజీని చూసి చాలా మంది ఆశ్చర్యపోయారు.

పెట్రోల్ కాదు బీరుతో నడిచే బైక్..

ఈ అబ్బాయి అమెరికాలోని మిచిగాన్‌లో నివాసం ఉంటున్నాడు. ఆయన పేరు కే మైఖేల్సన్. అమెరికన్ మీడియా కథనాల ప్రకారం, ఈ వ్యక్తికి బైక్‌లు అంటే చాలా ఇష్టం. కొత్త బైక్‌లను కొనుగోలు చేస్తూనే ఉంటుంటాడు. కానీ, ఈసారి తనంతట తానుగా అద్భుతాలు చేశాడు. ఇది పెట్రోల్‌తో కాకుండా బీరుతో నడుస్తుంది. ఆశ్చర్యకరమైన విషయం ఏంటంటే.. ఈ వ్యక్తికి స్వయంగా బీర్ అంటే ఇష్టం లేకపోయినా.. బీర్ వాడిన తీరు అందరినీ ఆశ్చర్యానికి గురిచేసింది.

నాజిల్‌లో సూపర్-హీటెడ్ ఆవిరి..

పెరుగుతున్న గ్యాస్, పెట్రోల్ ధరలను చూసి ఆయన ఈ నిర్ణయం తీసుకున్నట్లు సమాచారం. ఇది రెడ్‌బుల్, కారిబౌ కాఫీపై కూడా నడుస్తుంది. దాని పనితీరును వివరిస్తూ, దాని ఇంజిన్‌గా హీటింగ్ కాయిల్‌తో 14-గాలన్ కెగ్ ఉందని అతను ఒక ఇంటర్వ్యూలో చెప్పుకొచ్చాడు. ఈ కాయిల్ బీర్‌ను 300 డిగ్రీల వరకు వేడి చేస్తుంది. నాజిల్‌లో సూపర్-హీటెడ్ ఆవిరిని సృష్టిస్తుంది.

ఈ వ్యక్తి తన గ్యారేజీలో ఈ బైక్‌ను తయారు చేశాడు. బీర్‌తో నడిచే ఈ బైక్ వేగం గంటకు 150 మీ. అంతే కాకుండా పర్యావరణానికి, జేబుకు రెండింటికీ ఈ బైక్‌లు ఎంతో మేలు చేస్తాయని చెప్పుకొచ్చాడు. ప్రస్తుతానికి, ఈ బైక్, ఈ వ్యక్తికి సంబంధించిన కొన్ని ఫొటోలు తెరపైకి వచ్చాయి. ప్రజలు ఈ బైక్‌పై చాలా ఆసక్తిని కనబరుస్తున్నారు. సోషల్ మీడియాలో జనాలు కూడా ఈ బైక్ గురించి తెలుసుకోవాలని ఆసక్తిగా ఉన్నారు.