Postal Insurance: అద్భుతమైన పోస్టల్ స్కీం.. కేవలం రూ.799తో రూ.15 లక్షలు..!

Postal Insurance: కరోనా మహమ్మారి తర్వాత లైఫ్ ఇన్సూరెన్స్, హెల్త్ ఇన్సూరెన్స్ లపై ప్రజల్లో అవగాహన పెరిగింది. ఇన్సూరెన్స్ తీసుకోవాలని ప్రజలు ఎక్కువగా ముందుకు వస్తున్నారు. కుటుంబంలో సంపాదించే వ్యక్తి అనుకోని సంఘటనలతో దూరమైనా, ఇన్సూరెన్స్ పాలసీలు ఆ కుటుంబానికి ఆర్థిక భరోసాను కల్పిస్తాయి. అయితే, అధిక ప్రీమియం చెల్లించాల్సి రావడం వల్ల చాలామంది ఇన్సూరెన్స్ తీసుకోవడానికి వెనకడుగు వేస్తున్నారు.దీంతో పోస్టల్ డిపార్ట్ మెంట్ ప్రజలకు తక్కువ ప్రీమియంతో జీవిత బీమా పాలసీలు అందించే అవకాశాన్ని తీసుకొచ్చింది. వీటిని పేదల కోసం ప్రత్యేకంగా రూపొందించామని చెబుతున్నారు. ఈ కొత్త స్కీమ్ ద్వారా, పాలసీదారులకు మరణం, అంగ వైకల్యం, వైద్య చికిత్సలకు సంబంధించి వివిధ రకాల ఆర్థిక మద్దతు అందించబడుతుంది.

పోస్టల్ డిపార్ట్ మెంట్ ఇన్సూరెన్స్ స్కీమ్ ముఖ్యాంశాలు:

ప్రీమియం ధర:

* రూ.599 ప్రీమియంతో రూ.10 లక్షల ఇన్సూరెన్స్

* రూ.799 ప్రీమియంతో రూ.15 లక్షల ఇన్సూరెన్స్

ఇన్సూరెన్స్ బెనిఫిట్స్:

* ప్రమాదవశాత్తు మరణం: రూ.15 లక్షలు (రూ.10 లక్షలు)

* శాశ్వత అంగ వైకల్యం: రూ.15 లక్షలు (రూ.10 లక్షలు)

* పాలసీదారుని మరణం తర్వాత పిల్లల చదువు, పెళ్లి కోసం: రూ.1 లక్ష ప్రతి

* వైద్య ఖర్చులకు: రూ.1 లక్ష

* వైద్య నగదు: ఆసుపత్రి ఖర్చులు (రోజుకు రూ.1,000), ఐసీయూ ఖర్చులు (రోజుకు రూ.2,000)

* చేయి లేదా కాలు విరిగితే: రూ.25,000

* ఆసుపత్రిలో వైద్య ఖర్చులు: రూ.6,000 వరకూ, మందులు, రవాణా ఖర్చులకు రూ.14,000 వరకూ

* చనిపోయిన తర్వాత అంబులెన్స్, మృతదేహాన్ని తరలించేందుకు: రూ.9,000 నుండి రూ.11,000

* అంత్యక్రియల ఖర్చులు: రూ.9,000

ప్రవేశ నిబంధనలు:

* ఈ పాలసీలు 18 నుండి 65 ఏళ్ల వయస్సు వారికి వర్తిస్తాయి.

* పోస్టల్ బ్యాంకు ఖాతా అవసరం: ఖాతా లేని వారు రూ.200 పెట్టి కొత్త ఖాతా తెరవవచ్చు.

* దీర్ఘకాలిక పక్షవాతం ఉన్నవారికి ఈ పాలసీ వర్తించదు.

* బాండ్: పాలసీదారులకు బాండ్ కూడా ఇవ్వబడుతుంది.

పోస్టల్ డిపార్ట్ మెంట్ ఈ కొత్త ఇన్సూరెన్స్ స్కీంను 2022 ఏప్రిల్ లో ప్రారంభించింది. ఈ స్కీమ్ ద్వారా, తక్కువ ప్రీమియంతో కుటుంబానికి ఆర్థిక భరోసా అందించే అవకాశాన్ని కల్పిస్తున్నాయి. ఈ విధంగా ఆర్థికంగా వెనుకబడిన వారికి, పేదరికానికి గురైన వారికీ బీమా విధానం ద్వారా ఆర్థిక భద్రత లభిస్తుంది. దీనితో పాటు, ఆసుపత్రి ఖర్చులు, వైద్య ఖర్చులకు కూడా సహాయం పొందే అవకాశముంది.