Upcoming Hybrid Cars: బడ్జెట్ రెడీ చేస్కోండి.. మార్కెట్లోకి రానున్న మూడు కొత్త హైబ్రిడ్ కార్లు..!

Upcoming Hybrid Cars: భారత్‌లో ఈవీ, హైబ్రిడ్ కార్లకు డిమాండ్ వేగంగా పెరుగుతోంది. ప్రభుత్వం, కార్ల తయారీదారులు కూడా హైబ్రిడ్‌లపై దృష్టి సారిస్తున్నారు. 2 సంవత్సరాలలో అనేక కొత్త మోడళ్లను విడుదల చేయబోతున్నట్లయితే.. హైబ్రిడ్ కార్లు మెరుగైన మైలేజీని అందించడమే కాకుండా కాలుష్యాన్ని తగ్గించడంలో కూడా సహాయపడతాయి. ఈ ఏడాది దేశంలో అనేక కొత్త హైబ్రిడ్ కార్లు విడుదల కానున్నాయి. త్వరలో భారత్‌లోకి రానున్న మారుతి సుజుకి నుండి టయోటా వరకు ఉన్న హైబ్రిడ్ కార్ల గురించి ఇప్పుడు తెలుసుకుందాం.

Kia Seltos Hybrid

కియా ఇండియా భారతదేశంలో అత్యంత ప్రజాదరణ పొందిన ఎస్‌యూవీ సెల్టోస్ అప్‌గ్రేడ్ వెర్షన్‌ను విడుదల చేయడానికి సన్నాహాలు చేస్తోంది. ఈ అప్‌గ్రేడ్ వెర్షన్‌లో చాలా మార్పులు ఉంటాయి. అలానే కంపెనీ పెట్రోల్ హైబ్రిడ్ పవర్‌ట్రెయిన్ ఆప్షన్ కూడా ఇవ్వనుంది. సెల్టోస్ హైబ్రిడ్‌ను ఈ ఏడాది చివరి నాటికి లేదా వచ్చే ఏడాది విడుదల కావచ్చు.

Toyota HyRyder 7-Seater

టయోటా హైబ్రిడ్ కార్లు ఉత్తమంగా ఉంటాయి. టయోటా హైబ్రిడ్ టెక్నాలజీని మారుతి సుజుకి కూడా ఉపయోగిస్తుంది. దేశంలో హైబ్రిడ్‌లకు డిమాండ్‌ పెరుగుతోంది. ఇప్పుడు టయోటా తన అర్బన్ క్రూయిజర్ హైరైడర్ తదుపరి తరం మోడల్‌ను కూడా విడుదల చేయబోతోంది. దీని 7-సీటర్ వెర్షన్ కూడా ఈ సంవత్సరం రావచ్చు. ఇది హైబ్రిడ్ ఇంజన్‌తో రానుంది. ఈ కొత్త మోడల్‌లో చాలా పెద్ద మార్పులను చూడచ్చు.

Maruti Suzuki Fronx Hybrid

మారుతి సుజుకి ఇటీవల తన మధ్య తరహా ఎస్‌యూవీ ఫ్రాంక్స్ హైబ్రిడ్ వెర్షన్‌ను విడుదల చేయడానికి సన్నాహాలు చేస్తోంది. ఈ కారు టెస్టింగ్ సమయంలో చాలా సార్లు కనిపించింది. ఈ కారు మారుతి సొంతంగా అభివృద్ధి చేసిన హైబ్రిడ్ టెక్నాలజీతో వచ్చే అవకాశం ఉంది. ఈసారి ఈ కారులో చాలా మార్పులు కనిపించబోతున్నాయి.