Cheapest Mileage Cars: మంచి మైలేజ్ ఇచ్చే కారు కొనాలా? - టాప్-3 ఇవే..!

Cheapest Mileage Cars: భారత్‌లో మధ్యతరగతి కుటుంబాలు ఎక్కువ. చాలా మంది ప్రజలకు మంచి కార్ కొనాలనేది ఓ కల. ముఖ్యంగా తక్కువ ధరలో ఎక్కువ మైలేజ్ ఇచ్చే కార్లను కొనాలని చూస్తుంటారు. మారుతి సుజుకి కార్లు దేశీయ మార్కెట్లో సరసమైన ధర, అద్భుతమైన మైలేజీకి ఫేమస్. ఈ నేపథ్యంలో మారుతి సుజుకి చౌకైన, అధిక మైలేజీ ఇచ్చే కార్ల గురించి వివరంగా తెలుసుకుందాం.

1. మారుతి సుజుకి ఆల్టో కె10

మారుతి సుజుకి నుండి అత్యంత సరసమైన హ్యాచ్‌బ్యాక్ ఆల్టో K10, ఎక్స్-షోరూమ్ ధర రూ. 4.09 లక్షల నుండి ప్రారంభమై రూ. 6.05 లక్షల వరకు ఉంటుంది. కారులో 1-లీటర్ డ్యూయల్‌జెట్ పెట్రోల్ ఇంజన్ ఉంది. ఈ ఇంజన్ 67 పిఎస్ పవర్, 89 ఎన్ఎమ్ టార్క్ ఉత్పత్తి చేస్తుంది. ఈ కారులో 5-స్పీడ్ మాన్యువల్, 5-స్పీడ్ AMT ట్రాన్స్‌మిషన్ ఉంటుంది. ఆల్టో కె10 CNG వేరియంట్ 57 పిఎస్ పవర్, 82 ఎన్‌మ్ టార్క్ రిలీజ్ చేస్తుంది. ఈ కారు 5-స్పీడ్ మాన్యువల్ ట్రాన్స్‌మిషన్‌లో మాత్రమే లభిస్తుంది. మైలేజీ విషయానికి వస్తే.. ఈ కారు పెట్రోల్ మాన్యువల్‌లో 24.39 kmpl , పెట్రోల్ ఆటోమేటిక్‌లో 24.90 kmpl, CNG వేరియంట్‌లో 33.85 km/kg వరకు మైలేజ్ ఇస్తుంది.

2. మారుతి సుజుకి S-ప్రెస్సో

S-ప్రెస్సో ఒక సరసమైన మైక్రో ఎస్‌యూవీ. కారు ఎక్స్-షోరూమ్ ధరలు రూ. 4.26 లక్షల నుండి మొదలై రూ.6.12 లక్షల వరకు ఉంటాయి. S-ప్రెస్సోలో 1-లీటర్ పెట్రోల్ ఇంజన్‌ ఉంది. మాన్యువల్, AMT ట్రాన్స్‌మిషన్ ఆప్షన్స్‌తో లభిస్తుంది. మైలేజ్ విషయానికి వస్తే.. పెట్రోల్ వేరియంట్‌ 24.76 kmpl, CNG వేరియంట్‌ 32.73 km/kg వరకు మైలేజ్ ఇస్తుంది.

3. మారుతి సుజుకి సెలెరియో

సెలెరియో ఒక గొప్ప మైలేజ్ కారు, ఎక్స్-షోరూమ్ ధరలు రూ. 5.64 లక్షల నుండి ప్రారంభమై, రూ. 7.37 లక్షల వరకు ఉంటుంది. కారులో1-లీటర్ పెట్రోల్ ఇంజన్‌ ఉంది. 5-స్పీడ్ మాన్యువల్, AMT ట్రాన్స్‌మిషన్ ఉంటుంది. మైలేజ్ విషయానికి వస్తే.. ఈ కారు పెట్రోల్ వేరియంట్‌లో 26.68 kmpl, CNG వేరియంట్‌లో 34.43 km/kg వరకు మైలేజ్ ఇస్తుంది. సేఫ్టీ విషయానికి వస్తే ఆరు ఎయిర్‌బ్యాక్స్, వెనుక పార్కింగ్ కెమెరా వంటి ఫీచర్లు అన్ని వేరియంట్‌లలో అందుబాటులో ఉన్నాయి.