2025 Honda Hornet 2.0 launched: హోండా హార్నెట్ 2.0 లాంచ్.. ఈసారి సరికొత్తగా వచ్చేసింది..!

2025 Honda Hornet 2.0 launched:హోండా మోటార్‌సైకిల్ తన ఫేమస్ స్ట్రీట్‌ఫైటర్ 2025 హోండా హార్నెట్ 2.0ని కొత్త అప్‌డేట్‌లతో విడుదల చేసింది. దీని ఎక్స్-షోరూమ్ ధర రూ.1.57 లక్షలు. ఈ ధర మునుపటి మోడల్ కంటే రూ.14,000 ఎక్కువ. ఈ పెరిగిన ధరతో బైక్‌లో అనేక కొత్త ఫీచర్లు, టెక్నాలజీ అప్‌గ్రేడ్‌లు చూడొచ్చు. బైక్ ఇంజన్‌లో ఎటువంటి మార్పులు చేయలేదు.

ఈ మోటార్‌సైకిల్‌లో 4.2-అంగుళాల TFT డిజిటల్ డిస్‌ప్లే ఉంది. ఈ డిస్‌ప్లేతో బ్లూటూత్ కనెక్ట్, నావిగేషన్, కాల్ అలర్ట్‌, ఎస్ఎమ్ఎస్ నోటిఫికేషన్‌లను యాక్సెస్ చేయవచ్చు. ఇప్పుడు ఈ బైక్‌లో హోండా ట్రాక్షన్ కంట్రోల్ సిస్టమ్, డ్యూయల్-ఛానల్ ABS స్టాండర్డ్‌గా ఉన్నాయి. ఇది రైడింగ్‌ను మరింత సురక్షితంగా చేస్తుంది. కొత్తగా USB-C పోర్ట్ కూడా చేర్చారు. మీరు ప్రయాణంలో ఛార్జింగ్ చేయచ్చు.

2025 హోండా హార్నెట్ 2.0లో 184cc సింగిల్-సిలిండర్, ఎయిర్-కూల్డ్ ఇంజన్ ఉంది ఈ ఇంజన్ 16.7బీహెచ్‌పి పవర్, 15.7ఎన్ఎమ్ టార్క్ ఉత్పత్తి చేస్తుంది. ఇంజన్‌ను OBD2B-నిబంధనల ప్రకారం అప్‌గ్రేడ్ చేశారు. బైక్ 5-స్పీడ్ గేర్‌బాక్స్‌తో వస్తుంది. అసిస్ట్, స్లిప్పర్ క్లచ్ ఉన్నాయి. హోండా ఈ మోటార్‌సైకిల్ బాడీవర్క్‌లో పెద్దగా మార్పులు చేయలేదు, అయితే కొత్త గ్రాఫిక్స్, కలర్ ఆప్షన్‌లు జోడించారు.

2025 హోండా హార్నెట్ కొత్త TFT స్క్రీన్, బ్లూటూత్ కనెక్టివిటీ, USB-C ఛార్జింగ్ పోర్ట్, ట్రాక్షన్ కంట్రోల్, డ్యూయల్-ఛానల్ ABS భద్రతను మెరుగుపరుస్తాయి. స్పోర్టీ లుక్, కొత్త గ్రాఫిక్స్ బైైక్‌ను మరింత అద్భుతంగా చేస్తాయి. ఇప్పుడు పెర్ల్ ఇగ్నియస్ బ్లాక్, రేడియంట్ రెడ్ మెటాలిక్, అథ్లెటిక్ బ్లూ మెటాలిక్, మాట్ యాక్సిస్ గ్రే మెటాలిక్ కలర్ వేరియంట్లను కొత్తగా ఉన్నాయి.