అసెంబ్లీలో సోమవారం ఆమోదించిన వికేంద్రీకరణ, సిఆర్‌డిఎ బిల్లులను రద్దు చేసినందుకు వ్యతిరేకంగా దాఖలైన పిటిషన్లపై హైకోర్టు ప్రత్యేక ధర్మాసనం ఇవాళ విచారణ జరపనుంది. మూడు రాజధానుల ప్రతిపాదనకు వ్యతిరేకంగా రాజధాని ప్రాంత భూ యజమానులు దాఖలు చేసిన అప్పీళ్లపై దర్యాప్తు చేయడానికి హైకోర్టు ప్రత్యేక ధర్మాసనం ఏర్పాటు చేసింది. ఈ బెంచ్ విచారణలో ప్రభుత్వం తరపున వాదించడానికి ప్రభుత్వం మాజీ అటార్నీ జనరల్ ముకుల్ రోహత్గిని నియమించుకోగా ఆయన కోసం రూ .5 కోట్ల మొత్తాన్ని విడుదల చేయడానికి ప్రభుత్వం జిఓను జారీ చేసింది.
ఈ పిటిషన్లను నిన్ననే విచారించాలని అనుకున్నా.. శాసనమండలి రెండు బిల్లులపై నిన్న చర్చ జరుగుతున్న క్రమంలో విచారణ కుదరలేదు. మండలిలో బిల్లులపై చర్చ జరుగుతోందని అడ్వకేట్ జనరల్ హైకోర్టుకు తెలిపారు. దాంతో నిన్న జరగాల్సిన విచారణ నేటికీ వాయిదా పడింది. అయితే, రెండు బిల్లులను సెలెక్ట్ కమిటీకి పంపాలని కౌన్సిల్ నిర్ణయించింది. దీంతో ఈ బిల్లులపై పిటిషన్లను హైకోర్టు ఈ రోజు విచారించనుంది. మూడు రాజధానుల ప్రభుత్వ ప్రతిపాదనపై కోర్టు ఎలా స్పందిస్తుందో చూడాలి.