Hyderabad: నషా ముక్త్ భారత్ ఉద్యమానికి ప్రభాస్కు కిషన్ రెడ్డి ఆహ్వానం
Hyderabad: నషా ముక్త్ భారత్ ఉద్యమంలో పాల్గొనాలని ప్రభాస్ను కలిసిన కేంద్ర మంత్రి కిషన్ రెడ్డి; హైదరాబాద్ వాక్స్ టీ-షర్ట్ ఆవిష్కరణకు సానుకూల స్పందన.
Hyderabad: నషా ముక్త్ భారత్ ఉద్యమానికి ప్రభాస్కు కిషన్ రెడ్డి ఆహ్వానం
హైదరాబాద్: మాదకద్రవ్యాల రహిత సమాజ నిర్మాణం కోసం కేంద్ర ప్రభుత్వం చేపట్టిన 'నషా ముక్త్ భారత్' మహా ఉద్యమానికి పాన్ ఇండియా స్టార్ ప్రభాస్ మద్దతు కోరుతూ కేంద్ర బొగ్గు, గనుల శాఖ మంత్రి శ్రీ జి. కిషన్ రెడ్డి ఆయనను మర్యాదపూర్వకంగా కలిశారు.
"డ్రగ్స్ రహిత భారత్ కోసం మనమందరం గొంతు విప్పుదాం" అనే నినాదంతో నిర్వహిస్తున్న "హైదరాబాద్ వాక్స్ - నషా ముక్త్ భారత్" కార్యక్రమానికి రావాల్సిందిగా ప్రభాస్ను కేంద్ర మంత్రి ప్రత్యేకంగా ఆహ్వానించారు.
యువతను నిర్వీర్యం చేస్తున్న డ్రగ్స్ మహమ్మారిని తరిమికొట్టడంలో సినీ తారల పాత్ర ఎంతో కీలకమని ఈ సందర్భంగా కిషన్ రెడ్డి పేర్కొన్నారు.
కోట్లాది మంది అభిమానులను, ముఖ్యంగా యువతను ప్రభావితం చేయగల శక్తి ప్రభాస్కు ఉందని, ఆయన పిలుపు ఇస్తే యువతలో గొప్ప చైతన్యం వస్తుందని మంత్రి ఆకాంక్షించారు. కేవలం ప్రభుత్వాల చర్యలతోనే కాకుండా, సమాజంలోని ప్రముఖులు, ప్రజలందరి సమష్టి భాగస్వామ్యంతోనే 'డ్రగ్స్ రహిత భారత్' సాధ్యమవుతుందని ఆయన స్పష్టం చేశారు.
దేశ భవిష్యత్తు కోసం, ఆరోగ్యకరమైన సమాజం కోసం జరుగుతున్న ఈ మహా యజ్ఞంలో పాలుపంచుకోవడానికి ప్రభాస్ సానుకూలంగా స్పందించారు.




