మొబైల్ ప్రియులకు పండగే.. జూన్ నెలలో మార్కెట్లోకి రాబోతున్న తోపు స్మార్ట్‌ఫోన్లు ఇవే!

Upcoming Smartphones: మే నెలలో కొత్త ఫోన్ల సందడి పెద్దగా లేకపోవడంతో నిరాశ చెందిన స్మార్ట్‌ఫోన్ ప్రియులకు జూన్ నెల భారీ కానుకలను మోసుకురానుంది. ప్రముఖ బ్రాండ్లు తమ సరికొత్త మిడ్-రేంజ్, ప్రీమియం, ఫ్లాగ్‌షిప్ మోడళ్లను ఈ నెలలో భారత మార్కెట్లోకి విడుదల చేయడానికి సర్వం సిద్ధం చేశాయి. ముఖ్యంగా బడ్జెట్ పరిధిలో అద్భుతమైన ఫీచర్లతో కూడిన ఫోన్లు ఈసారి కస్టమర్లను పలకరించనున్నాయి.

బడ్జెట్, మిడ్-రేంజ్ విభాగంలో సరికొత్త సంచలనాలు..

గత కొన్ని నెలలుగా స్మార్ట్‌ఫోన్ల ధరలు భారీగా పెరగడంతో మధ్యతరగతి వినియోగదారులు సరైన ఫోన్ కోసం ఎదురుచూస్తున్నారు. జూన్ నెలలో 25 వేల రూపాయల లోపు ధరలో సరికొత్త ఫోన్లు సందడి చేయనున్నాయి. వివో సంస్థ తన విలువైన సిరీస్ నుంచి 'వివో టీ5 లైట్' మోడల్‌ను పరిచయం చేయనుంది. ఇందులో 6500 ఎంఏహెచ్ భారీ బ్యాటరీ, ఐపీ65 రేటింగ్ వంటి అద్భుతమైన వసతులు ఉన్నాయి.

మరోవైపు శాంసంగ్ ప్రియుల కోసం 'galaxy ఏ27' మోడల్ సిద్ధమవుతోంది. ఇందులో అత్యంత ఆకర్షణీయమైన అమోలెడ్ డిస్‌ప్లేను అమర్చారు. గేమింగ్ ప్రియులను అలరించడానికి 'టెక్నో పోవా 8', షియోమి అనుబంధ సంస్థల నుంచి 'రెడ్‌మి 17', 'పోకో ఎమ్8 ప్రో' వంటి బడ్జెట్ ఫోన్లు కూడా జూన్ రెండో వారంలో మార్కెట్లోకి రానున్నాయి.

ప్రీమియం మిడ్-రేంజ్ లో పోటీ మరింత తీవ్రం..

30 వేల నుంచి 40 వేల రూపాయల ధరల పరిధిలో స్మార్ట్‌ఫోన్ల పోటీ మరింత ఆసక్తికరంగా మారనుంది. జూన్ 15వ తేదీన మార్కెట్లోకి రాబోతున్న 'ఐకూ జెడ్11' మోడల్ పై భారీ అంచనాలు ఉన్నాయి. ఇందులో 90 వాట్ల వేగవంతమైన ఛార్జింగ్ సదుపాయం కలదు. మోటోరోలా సంస్థ సైతం 'ఎడ్జ్ 70 ప్రో ప్లస్' మోడల్‌తో గట్టి పోటీ ఇవ్వడానికి సిద్ధమైంది. ఇందులో 50 మెగాపిక్సెల్ ప్రధాన కెమెరాతో పాటు శక్తివంతమైన ప్రాసెసర్‌ను అమర్చారు. ఇన్‌ఫినిక్స్, రెడ్‌మి టర్బో 5 మోడళ్లు కూడా ఇదే విభాగంలో సరికొత్త గేమింగ్ ఫీచర్లతో వినియోగదారులను ఆకట్టుకోనున్నాయి.

ఫ్లాగ్‌షిప్ మార్కెట్లో సరికొత్త విప్లవం..

భారీ బడ్జెట్, అత్యున్నత సాంకేతికతను కోరుకునే వారి కోసం జూన్ నెలలో కొన్ని అద్భుతమైన ప్రీమియం ఫోన్లు విడుదల కానున్నాయి. సుదీర్ఘ విరామం తర్వాత 'షియోమి 17టీ' మోడల్ జూన్ మొదటి వారంలోనే భారత మార్కెట్లో అడుగుపెట్టనుంది. ఇందులో 7000 ఎంఏహెచ్ బ్యాటరీ, మూడు కెమెరాల అద్భుతమైన అమరిక ఉండనుంది.

వన్ ప్లస్ అభిమానుల కోసం 'వన్ ప్లస్ 15ఎస్' అత్యంత శక్తివంతమైన చిప్‌సెట్, వంద వాట్ల ఛార్జింగ్ సామర్థ్యంతో రాబోతోంది. కెమెరా పనితీరుకు మారుపేరైన ఒప్పో సంస్థ తన 'రెనో 16' సిరీస్‌ను జూన్ నెలలో చైనాలో విడుదల చేసి, ఆ వెంటనే అంతర్జాతీయ మార్కెట్లోకి తీసుకురానుంది. ఇందులో ఏకంగా 200 మెగాపిక్సెల్ ప్రధాన కెమెరాను అమర్చడం విశేషం.

మొత్తంమీద మే నెలతో పోలిస్తే జూన్ నెల స్మార్ట్‌ఫోన్ రంగంలో సరికొత్త విప్లవాన్ని సృష్టించబోతోంది. బ్యాటరీ సామర్థ్యం పెరగడం, డిస్‌ప్లే నాణ్యత మెరుగుపడటం వంటి అంశాలు వినియోగదారులకు మరింత మేలు చేయనున్నాయి. సాంకేతిక పరిజ్ఞానంలో వస్తున్న ఈ మార్పులు సరికొత్త మొబైల్ కొనుగోలు చేయాలనుకునే వారికి ఖచ్చితంగా మంచి అవకాశాలను అందిస్తాయి.