School Holidays: స్కూళ్లు, ఉద్యోగులకు గుడ్ న్యూస్.. 5 రోజుల వరుస సెలవులు

School Holidays 2026: విద్యార్థులు, ఉద్యోగులకు ఆగస్టు చివరి వారం ప్రత్యేకంగా మారనుంది. పండుగ సెలవులు, వారాంతపు సెలవులు కలిసిరావడంతో వరుసగా ఐదు రోజులు సెలవులు వచ్చే అవకాశం ఉంది. ముఖ్యంగా ఆగస్టు 27న ఒక్క రోజు సెలవు తీసుకోగలిగితే.. ఆగస్టు 26 నుంచి 30 వరకు ఐదు రోజుల లాంగ్ వీకెండ్ను ప్లాన్ చేసుకోవచ్చు. దీంతో కుటుంబంతో కలిసి విహారయాత్రకు వెళ్లేందుకు చాలామందికి మంచి అవకాశం దొరకనుంది.

ఆగస్టు 26న బుధవారం మిలాద్ ఉన్ నబీ సందర్భంగా తెలుగు రాష్ట్రాల్లో సెలవు ఉండనుంది. ఈ సందర్భంగా పాఠశాలలు, కళాశాలలు, ప్రభుత్వ కార్యాలయాలకు సెలవు ప్రకటించినట్లు సమాచారం. అయితే ఆగస్టు 27 గురువారం సాధారణ పనిదినం. ఈ ఒక్క రోజు సెలవు తీసుకుంటే ఆ తర్వాత వచ్చే సెలవులతో లాంగ్ వీకెండ్‌గా మార్చుకోవచ్చు.

ఆగస్టు 28న శుక్రవారం రాఖీ పౌర్ణమి, శ్రావణ పూర్ణిమ సందర్భంగా విద్యాసంస్థలకు సెలవు ఉండనుంది. అన్నాచెల్లెళ్ల అనుబంధానికి ప్రతీకగా రాఖీ పండుగను దేశవ్యాప్తంగా జరుపుకుంటారు. దీంతో ఆగస్టు 28 సెలవు తర్వాత 29న శనివారం, 30న ఆదివారం వారాంతపు సెలవులు రానున్నాయి.

తెలుగు రాష్ట్రాల్లో వరుస సెలవుల లిస్ట్

ఆగస్టు 26, బుధవారం: మిలాద్ ఉన్ నబీ – సెలవు

ఆగస్టు 27, గురువారం: సాధారణ పనిదినం – సెలవు తీసుకుంటే లాంగ్ వీకెండ్‌కు అవకాశం

ఆగస్టు 28, శుక్రవారం: రాఖీ పౌర్ణమి / శ్రావణ పూర్ణిమ – సెలవు

ఆగస్టు 29, శనివారం: వారాంతపు సెలవు

ఆగస్టు 30, ఆదివారం: సాధారణ వారాంతపు సెలవు

అంటే ఆగస్టు 27న సెలవు మేనేజ్ చేసుకోగలిగితే.. ఆగస్టు 26 నుంచి 30 వరకు వరుసగా ఐదు రోజుల బ్రేక్ లభిస్తుంది. అయితే సెలవుల అమలు పాఠశాల, కళాశాల, కార్యాలయం, రాష్ట్ర ప్రభుత్వ తాజా ఉత్తర్వులపై ఆధారపడి ఉండొచ్చు. కాబట్టి ప్రయాణాలు లేదా ఇతర ప్లాన్లు చేసుకునే ముందు సంబంధిత సంస్థ నుంచి సెలవును నిర్ధారించుకోవడం మంచిది.