Seetharamapuram: కన్నీరు మున్నీరు.. కళ్లముందే నీట మునిగిన ఇద్దరు కొడుకులు!

సీతారామపురం: నెల్లూరు జిల్లా సీతారామపురంలో విషాదం… చెరువులో మునిగి ఇద్దరు బాలురు మృతి నెల్లూరు జిల్లా సీతారామపురం గ్రామంలో విషాద ఘటన చోటుచేసుకుంది. గ్రామంలోని ఊర చెరువులో బట్టలు ఉతుక్కునేందుకు వెళ్లిన ఒక కుటుంబంలో ఈ దుర్ఘటన జరిగింది. తల్లి బట్టలు ఉతుకుతున్న సమయంలో పిల్లలు చెరువులో ఆడుకుంటూ ప్రమాదవశాత్తు నీళ్లలోకి దిగడంతో మునిగిపోయారు.పిల్లలు మునిగిపోతుండటం గమనించిన తల్లి వారిని కాపాడేందుకు చెరువులోకి దిగింది. అయితే ఆమె కూడా లోతైన నీటిలో ఇరుక్కుపోయి మునిగిపోతుండగా, సమీపంలోని స్థానికులు అప్రమత్తమై వెంటనే స్పందించారు.

తల్లి మరియు కూతురిని సురక్షితంగా బయటకు తీసి ఉదయగిరి ప్రభుత్వ ఆసుపత్రికి తరలించారు. ప్రస్తుతం వారికి చికిత్స అందుతోంది.అయితే ఈ ఘటనలో ఇద్దరు కుమారులు ప్రాణాలు కోల్పోవడం తీవ్ర విషాదాన్ని మిగిల్చింది. మృతులు ఆది (12), రేవంత్ (13)గా గుర్తించారు. వీరి తండ్రి కిష్టా సుబ్బారావు మనుబోలు పోలీస్ స్టేషన్‌లో కానిస్టేబుల్‌గా పనిచేస్తున్నారు.ఈ ఘటనతో గ్రామంలో శోకసంద్రం నెలకొంది. చిన్నారుల మృతితో కుటుంబ సభ్యులు, బంధువులు కన్నీటి పర్యంతమవుతున్నారు.చెరువుల వద్ద భద్రతా చర్యలు తీసుకోవాలని స్థానికులు కోరుతున్నారు.