Annavaram: సత్యదేవుని దర్శించుకున్న మంత్రి మండిపల్లి రాంప్రసాద్ రెడ్డి!

Annavaram: కాకినాడ జిల్లా, అన్నవరం శ్రీ సత్యదేవుని దేవస్థానాన్ని మంత్రి మండిపల్లి రాంప్రసాద్ రెడ్డి దర్శించుకున్నారు.

దేవస్థానానికి చేరుకున్న మంత్రికి ఆలయ అధికారులు, అర్చకులు ఘన స్వాగతం పలికారు. అనంతరం మంత్రి స్వామివారిని దర్శనం చేసుకుని ప్రత్యేక పూజలు నిర్వహించారు. అర్చకులు వేద మంత్రోచ్ఛారణల మధ్య స్వామివారికి నిర్వహించిన పూజా కార్యక్రమాల్లో మంత్రి పాల్గొన్నారు.

ఈ సందర్భంగా అర్చకులు స్వామివారి తీర్థప్రసాదాలు అందజేసి ఆశీర్వదించారు. రాష్ట్ర ప్రజలందరూ సుఖసంతోషాలతో, ఆయురారోగ్యాలతో ఉండాలని స్వామివారిని ప్రార్థించినట్లు మంత్రి తెలిపారు. దేవస్థానం అధికారులు ఆలయ విశిష్టత, స్వామివారి సేవలు, భక్తులకు అందుతున్న సౌకర్యాల గురించి మంత్రికి వివరించారు.