Delhi Lockdown: ఢిల్లీలో కరోనా కేసులు తగ్గుముఖం పట్టకపోవడంతో మరో వారమైనా లాక్‌డౌన్ పొడిగించాలని మెజారిటీ ప్రజల అభిప్రాయంగా ఉంది. లోకల్ సర్కిల్స్‌ అనే కమ్యూనిటీ సోషల్ మీడియా ఫ్లాట్‌ఫాం నిర్వహించిన సర్వేలో ఈ అభిప్రాయం వ్యక్తమైంది. సర్వేలో పాల్గొన్న 48 శాతం మంది మరో రెండు వారాలు లాక్‌డౌన్ పొడిగించాలని కేజ్రీవాల్‌ను కోరారు. 68 శాతం మంది కనీసం మరో వారం రోజులైనా లాక్‌డౌన్ పొడిగించాలని అభిప్రాయపడ్డారు. ఢిల్లీలోని 11 జిల్లాల్లో 8,000 మంది అభిప్రాయాలను ఈ సర్వేలో సేకరించారు. ఢిల్లీ వ్యాపారులకు చెందిన కాన్ఫెడరేషన్ ఆఫ్ ఆల్ ఇండియా ట్రేడర్స్ సైతం కరోనా అదుపులోకి తెచ్చేందుకు రాష్ట్ర ప్రభుత్వం ఏప్రిల్ 26 తర్వాత కూడా లాక్‌డౌన్ పొడిగించాలని కోరింది.