నిరుద్యోగులకు శుభవార్త.. 'Capgemini' లో 30 వేల ఉద్యోగాలు..

నిరుద్యోగులకు భారీ శుభవార్త అందివచ్చింది.. భారతదేశంలో 1.15 లక్షల మందికి పైగా ఉద్యోగులున్న ఫ్రెంచ్ టెక్ దిగ్గజం కాప్జెమిని.. ఈ ఏడాది మరో 30,000 మంది ఉద్యోగులను నియమించుకోవాలని యోచూస్తోంది. ప్రస్తుతం డిమాండ్ ఎక్కువగా ఉన్న కారణంగా అధిక సంఖ్యలో ఉద్యోగులను నియమించుకుంటుంది. ఇందులో ఫ్రెషర్లు మరియు అనుభవజ్ఞులైన నిపుణులు లేదా ల్యాటరల్ ఎంట్రీ లు ఉంటారని కాప్జెమిని ఇండియా చీఫ్ ఎగ్జిక్యూటివ్ అశ్విన్ యార్డి పిటిఐకి తెలిపారు. ప్రపంచవ్యాప్తంగా సగానికి పైగా భారతీయ శ్రామిక శక్తి ఉందని.. త్వరలో 25,000-30,000 మందిని స్థూల ప్రాతిపదికన తీసుకుంటాము అని అశ్విన్ యార్డి చెప్పారు.

ప్రస్తుతం, భవిష్యత్ సాంకేతిక పరిజ్ఞానాల కోసం ఉద్యోగులను రీ-స్కిల్లింగ్ చేయడంపై దృష్టి సారిస్తున్నామని, ఇది ఇప్పుడు నిరంతర ప్రక్రియగా మారిందని ఆయన అన్నారు. 30 ఏళ్లలోపు యువకులు 65% కంటే ఎక్కువ మంది నూతన స్కిల్స్స్ ను తెలుసుకోవడానికి ఆసక్తి కనబరుస్తున్నారని, 10-15 సంవత్సరాల అనుభవం ఉన్న మధ్య స్థాయి నిర్వాహకుల కోసం ప్రత్యేక కార్యక్రమాలను నిర్వహిస్తున్నట్లు ఆయన తెలిపారు. వీరిని ప్రాజెక్ట్ నిర్వాహకులు లేదా ఆర్కిటెక్ట్ లుగా ఉంచుతున్నట్టు చెప్పారు. వీలైనంత ఎక్కువమంది ఉద్యోగులను తక్షణ ప్రాతిపదికన నియమించుకోవాలని క్లయింట్లు మరింత డిమాండ్ చేస్తున్నట్టు చెప్పారు.

ప్రస్తుతం ఉద్యోగులు సైడ్ ప్రాజెక్ట్ పనులతో పాటు శిక్షణ మరియు నైపుణ్య కార్యకలాపాలు జరుగుతున్నందున క్లయింట్లకు అవసరమైనంత మేర సిబ్బంది లేరని యార్డి అన్నారు. ఈ క్రమంలో కొత్తవారిని తీసుకోవాలని భావిస్తోంది. అలాగే కాప్జెమిని అతిపెద్ద అభివృద్ధి కేంద్రమైన ఐరోలి (ముంబైకి సమీపంలో) వద్ద తగినంత స్థలం ఉందని, గత రెండేళ్లుగా ఇతర కేంద్రాలలో సామర్థ్యాన్ని సృష్టించిందని, ఇది కొత్తగా చేరేవారికి వసతి కల్పిస్తుందని ఆయన అన్నారు. అందులో కొందరు పరిశోధన మరియు అభివృద్ధి కార్యకలాపాలపై చాలా ఒత్తిడిని ఎదుర్కొంటున్న చెప్పారు. ఇక్కడ అనేక ఐటి కంపెనీలు ఉత్పత్తులపై దృష్టి సారించాయని గమనించవచ్చు మరియు లాభాల మార్జిన్లను నిర్వహించడానికి లేదా విస్తరించడానికి ఈ కేంద్రం సహాయపడుతుందని పేర్కొంది.