The Family Man 2 Trailer: 'వాళ్లందరినీ చంపేస్తా' అంటోన్న సమంతా..!
The Family Man 2: ఎట్టకేలకు సమంతా తొలిసారి నటించిన 'ది ఫ్యామిలీ మ్యాన్ 2' వెబ్ సిరీస్ ట్రైలర్ నేడు రిలీజ్ అయింది.
సమంతా (ఫొటో యూట్యూబ్)
The Family Man 2 Trailer: ఎట్టకేలకు అక్కినేని సమంతా తొలిసారి నటించిన 'ది ఫ్యామిలీ మ్యాన్ 2' వెబ్ సిరీస్ ట్రైలర్ నేడు రిలీజ్ అయింది. ఈ వెబ్ సిరీస్ లో సమంతా ఐసిస్ లో సభ్యురాలిగా, సూసైడ్‌ బాంబర్‌గా ఈ ట్రైలర్‌లో కనిపించింది. కనిపించనుంది. అలాగే డీ గ్లామరస్‌ గా కనిపించిన సమంతా... వాళ్లందరినీ నేను చంపుతా అనే డైలాగులతో ఆకట్టుకుంది. సామ్ కళ్లలో ఫైర్‌, యాక్టింగ్‌ ను చూస్తుంటే ఈ వెబ్ సిరీస్ లో ఇరగదీసినట్లు కనిపిస్తోంది. ఇక ఈ వెబ్ సిరీస్ జూన్ 4 నుంచి అమెజాన్‌ ప్రైమ్ లో స్ట్రీమింగ్ కానుంది.
శ్రీకాంత్(మనోజ్‌ భాజ్‌పాయ్‌).. జాతీయ దర్యాప్తు సంస్థకు రహస్యంగా పనిచేస్తుంటాడు. అతని భార్యగా ప్రియమణి నటించింది. అటు ఉద్యోగంలోని ఒత్తిడి, ఇటు ఫ్యామిలీలో ఒడిదొడుకులను మ్యానేజ్ చేయలేక సతమవుతుంటాడు శ్రీకాంత్. ఈ క్రమంలో ఆయన పై వచ్చే సన్నివేశాలు నవ్వులను పూయిస్తాయి. మరోవైపు ఉగ్రవాదులను ఏరిపారేయడంలో శ్రీకాంత్ అద్భుతంగా నటించాడు.
రాజ్‌ అండ్‌ డీకే దర్శకత్వం వహిస్తున్న ఈ వెబ్ సిరీస్‌లో ప్రియమణి, షరీబ్ హష్మి, శరద్ కేల్కర్, శ్రేయా ధన్వంతరి తదితరులు కీలక పాత్రల్లో నటించారు. మొత్తానికి ఎప్పుడెపుడు వస్తుందోనని ఎదురుచూసిన సమంతా 'ది ఫ్యామిలీ మ్యాన్ 2' విడుదల కావడంతో... ఫ్యాన్స్ ఆనందంలో తేలిపోతున్నారు.