Salman Khan: స‌ల్మాన్ పెళ్లి చేసుకోక‌పోవ‌డానికి అస‌లు కార‌ణం ఆమేనా.?

Salman Khan: బాలీవుడ్ సూపర్‌స్టార్ సల్మాన్ ఖాన్ గురించి సినిమాల కన్నా, ఆయ‌న పెళ్లి గురించే ఎక్కువగా చర్చకు వస్తాయనేది తెలిసిందే. దాదాపు 60 ఏళ్ల‌కు ద‌గ్గ‌ర‌ప‌డుతోన్నా స‌ల్మాన్ ఇప్ప‌టికే వివాహం చేసుకోలేదు, ఇప్పటికీ బ్యాచిలర్‌గానే ఉన్నారు ఈ కండల వీరుడు. స్టార్‌డమ్‌, కోట్లాది సంపద, భారీ ఫ్యాన్ ఫాలోయింగ్, మన్నికైన కెరీర్ ఉన్నా.. ఇప్పటికీ ఆయనకు జీవిత భాగస్వామి లేరు.

ఇప్పటికే అనేక మందితో డేటింగ్, ప్రేమాయణాలు జరిగినా.. పెళ్లి వరకు ఏదీ వెళ్లలేదు. అయితే తాజాగా వెలుగులోకి వచ్చిన ఓ పాత సంగతితో అభిమానులు మరోసారి ఆశ్చర్యానికి గురవుతున్నారు. 90వ దశకంలో తన సహనటిగా ఉన్న అందాల తార జూహీ చావ్లాపై అప్పట్లో సల్మాన్‌కు మంచి ఇష్టం ఏర్పడిందట. ఆమె అందం మాత్రమే కాదు, వ్యక్తిత్వం కూడా ఎంతో ఆకట్టుకుందట సల్మాన్‌ను.

ఈ కారణంగా ఆమెను వివాహం చేసుకోవాలనే ఆలోచనతో జూహీ తండ్రిని కలిసి మాట మాట్లాడారట. కానీ, ఆమె తండ్రి ఈ విషయంలో అంగీకరించలేదట. ఈ విషయాన్ని ఓ ఇంటర్వ్యూలో స్వయంగా సల్మాన్ వెల్లడించారు. ‘‘జూహీ చాలా అందమైన అమ్మాయి. నేను ఆమె తండ్రిని కలిసి పెళ్లి విషయం ప్రస్తావించాను. కానీ ఆయన నన్ను ఒప్పుకోలేదు. నేను వాళ్ల అంచనాలకు సరిపోలనట్టు అనిపించిందేమో’’ అని సల్మాన్ చెప్పిన మాటలు సోషల్ మీడియాలో వైరల్ అయ్యాయి.

ఈ సంఘటన తర్వాత సల్మాన్ పెళ్లి గురించి ఆలోచించడం మానేశారు. బాలీవుడ్ వర్గాలు చెబుతోన్నట్లు చూస్తే – ఒకవేళ జూహీతో సల్మాన్ పెళ్లి అయినట్లయితే, ఆయన జీవితం పూర్తిగా భిన్నంగా ఉండేదని విశ్లేషణలు వినిపిస్తున్నాయి. దీంతో స‌ల్మాన్ బ్యాచిల‌ర్‌గా మిగిలిపోవ‌డానికి జుహీ కార‌ణ‌మ‌ని అనుకుంటున్నారు.