Pushpa 2: ఓటీటీలో దుమ్మురేపుతోన్న పుష్ప 2.. గ్లోబల్‌ లెవల్‌లో..

Pushpa 2: అల్లు అర్జున్ హీరోగా సుకుమార్ దర్శకత్వంలో తెరకెక్కిన చిత్రం పుష్ప2. ప్రపంచవ్యాప్తంగా డిసెంబర్ 4న విడుదలైన ఈ సినిమా థియేటర్‌లలో రికార్డులు సృష్టించింది. భారీ విజయాన్ని అందుకున్న పుష్ప2 జనవరి 30న నెట్ ఫ్లిక్స్‌లో అందుబాటులోకి వచ్చింది. తాజాగా నెట్‌ఫ్లిక్స్‌లోనూ రికార్డు సృష్టించింది.

పుష్ప2 ఓటీటీలోకి వచ్చినప్పటి నుంచి వ్యూస్ పరంగా టాప్‌లో ఉంది. తాజాగా ఏడు దేశాల్లో నంబర్ వన్ ప్లేస్ కైవసం చేసుకుంది. అలాగే ప్రపంచవ్యాప్తంగా ఇంగ్లీషేతర సినిమా విభాగంలో 5.8 మిలియన్ల వ్యూస్‌తో నెట్‌ఫ్లిక్స్‌లో రెండో స్థానంలో నిలిచింది. దీన్ని తెలుగు సినిమాకు దక్కిన అరుదైన అభిమానులు చెబుతున్నారు. వీక్షకుల సంఖ్య పెరిగే అవకాశం ఉందని కామెంట్స్ చేస్తున్నారు.

సంక్రాంతి కానుకగా రీ లోడెడ్ వర్షన్‌ను విడుదల చేశారు. కొన్ని సీన్స్ యాడ్ చేసి రిలీజ్ చేశారు. మొదట 3 గంటల 20 నిమిషాల నిడివితో విడుదలైన పుష్ప2కు అదనంగా ఇటీవల మరో 20 నిమిషాల సన్నివేశాలను జత చేశారు. దీంతో సినిమా నిడివి దాదాపు 3 గంటల 40 నిమిషాలు అయింది. ఇక ఓటీటీ వెర్షన్ కూడా ఇదే నిడివితో అందుబాటులో ఉంది. పుష్ప2 ఓటీటీలోకి అందుబాటులోకి వచ్చిన తర్వాత ఇంటర్నేషనల్ ఆడియన్స్ ఈ సినిమాలోని యాక్షన్ సన్నివేశాలపై ప్రశంసలు కురిపిస్తున్నారు. ముఖ్యంగా జాతర సీన్స్‌కు వారంతా ఫిదా అవుతున్నారు. ఎక్స్ వేదికగా ఆ సీన్స్ షేర్ చేస్తూ చిత్రబృందాన్ని అభినందిస్తున్నారు.

పుష్ప2 ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు. ఇండియన్ బాక్సాఫీస్‌ను షేక్ చేసింది. అంతేకాదు గత మూవీస్ రికార్డ్స్ ను బ్రేక్ చేసింది. ఏకంగా రూ.1830 కోట్లకు పైగా వసూలు చేసి రికార్డ్ సృష్టించింది. ఈ సినిమాలో అల్లు అర్జున్ సరసన రష్మిక మందన్నా హీరోయిన్‌గా నటించారు. సునీల్, జగపతిబాబు, అనసూయ తదితరులు కీలక పాత్రల్లో కనిపించారు.