పవర్స్టార్ ఫ్యాన్స్కు సర్ప్రైజ్ న్యూస్.. పింక్ రీమేక్ నుంచి ఫస్ట్ సాంగ్ !
పవర్స్టార్ పవన్ కళ్యాణ్ అభిమానులకు గుడ్ న్యూస్. పవన్ కళ్యాణ్ రాజకీయాల్లో బిజీగా ఉండడం వల్ల కొంతకాలంపాటు సినిమాలకు దూరంగా ఉన్నారు.
పవర్స్టార్ పవన్ కళ్యాణ్ అభిమానులకు గుడ్ న్యూస్. పవన్ కళ్యాణ్ కొంత కాలంగా రాజకీయాల్లో బిజీగా ఉండడం వల్ల కొంతకాలంపాటు సినిమాలకు దూరంగా ఉన్నారు. అయితే తాజాగా వేణు శ్రీరామ్ డైరెక్షన్లో పింక్ సినిమా రీమేక్ చేస్తున్న సంగతి తెలిసిందే. అయితే ఈ సినిమాకు సంబంధించిన ఓ పాటను త్వరలోనే విడుదల చేయాలని చిత్రబృందం భావిస్తుంది. ఈ విషయాన్ని సంగీత దర్శకుడు తమన్ ట్విటర్లో ఓ పోస్ట్ చేశారు.
ఈ సందర్భంగా తమన్ ట్వీట్ చేస్తూ..'పవన్ కళ్యాణ్కు అతిపెద్ద ఫాన్నైన నేను కూడా #PSPK26FirstSingle రిలీజ్ కోసం ఎదురు చూడలేకపోతున్నాను, #PSPK26 కోసం సినిమా యూనిట్ మొత్తం కష్టపడి పనిచేస్తున్నాం. ఈ సినిమా మాకే కాదు అందరికీ చాలా ముఖ్యం అని ట్వీట్ చేశారు. ఈ చిత్రాన్ని బెస్ట్ మ్యూజిక్ అందించేందుకు మా సాయశక్తులా కృషిచేస్తున్నాం అని తెలిపారు. లవ్ యూ ఆల్ #firstsingle #PSPK26FirstSingle తర్వలో రానుంది అని ట్వీట్ చేశారు. పవన్ ఫొటోతో ట్విటర్ ప్రొఫైల్ చిత్రాన్ని మార్చేశారు.
కాగా.. తమన్ ట్వీట్ చూసిన పవన్ కళ్యాణ్ ఫాన్స్ ఉబ్బితబ్బిపోతున్నారు. అంతే కాదు #PSPK26FirstSingle హ్యాష్ట్యాగ్తో ట్వీట్లు చేస్తూ చేస్తున్నారు. దీంతో తమన్ ఇచ్చిన #PSPK26FirstSingle అనే హ్యాష్ట్యాగ్ ట్విటర్లో ఓ రేంజ్లో ట్రెండింగ్లో ఉంది. పవన్ అభిమానులు ఇప్పటికే సంబరాలు చేసుకుంటున్నారు.
పింక్ చిత్రం బాలీవుడ్ స్టార్ హీరో అమితాబ్, తాప్సీ ప్రధాన పాత్రల్లో నటించారు. ఈ చిత్రాన్ని దిల్రాజు వెంకటేశ్వర ప్రొడక్షన్ హౌస్లో బెనర్లో నిర్మిస్తున్నారు. సంగీత దర్శకుడు తమన్ స్వరాలు సమకూర్చారు. ఇటీవలే ఈ సినిమాకు సంబంధించి షూటింగ్ కూడా మొదలైంది. ఈ చిత్రాన్ని మే నెలలో విడుదల చేయాలని సినిమా యూనిట్ ప్లాన్ చేస్తోంది. 'వకీల్సాబ్' అనే టైటిల్ ఖారారు చేయాలని ప్లాన్ చేస్తున్నట్లు సమాచారం.
#firstsingle #PSPK26FirstSingle coming soon
— thaman S (@MusicThaman) February 26, 2020
#NewProfilePic ♥️ pic.twitter.com/74nNTBK0e6