Alia bhatt:ఇన్‌స్టాలో ఆలియా భట్ క్రేజీ రికార్డ్.. అత్యంత ప్రభావవంతమైన నటిగా సెకండ్ ప్లేస్..

Alia bhatt: బాలీవుడ్ స్టార్ హీరోయిన్ ఆలియా భట్ మరోసారి అరుదైన ఘనత సాధించారు. ఇన్‌స్టాలో ప్రపంచవ్యాప్తంగా అత్యంత ప్రభావంతమైన నటీమణుల జాబితాలో రెండో స్థానాన్ని దక్కించుకున్నారు. ఈ విషయాన్ని ఇన్‌ఫ్లూయెన్సర్‌ మార్కెటింగ్ ప్లాట్‌ఫామ్ హైప్ ఆడిటర్ నివేదిక ప్రకటించారు. హాలీవుడ్ దిగ్గజాలు డ్వేన్ జాన్సన్, జెన్నిఫర్ లోపెజ్‌లను అధిగమించి, జెండయా తర్వాత స్థానంలో నిలిచారు. దీంతో అభిమానులు ఆమెకు విషెస్ తెలియజేస్తున్నారు.

సోషల్ మీడియాలో ఆలియాకు ఉన్న ఫాలోయింగ్ గురించి ప్రత్యేకంగా చెప్పక్కర్లేదు. ఇన్‌స్టాలో ఈమెకు 85 మిలియన్లకు పైగా ఫాలోవర్లు ఉన్నారు. అలియా తన సినిమా విశేషాలతో పాటు వ్యక్తిగత విషయాలను అభిమానులతో పంచుకుంటుంటారు. అంతేకాదు ఫొటో షూట్‌లతో ఆకట్టుకుంటుంటారు. ఆలియా గతేడాది కూడా టైమ్స్ మ్యాగజైన్ విడుదల చేసిన వంద మోస్ట్ ఇన్‌ప్లూయెన్షియల్ పీపుల్ ఆప్ 2024 జాబితాలో చోటు దక్కించుకున్న విషయం తెలిసిందే.

ప్రముఖ దర్శకుడు మహేష్ భట్, నటి సోని రజ్దాన్ కుమార్తె ఆలియా భట్. గంగూబాయి కతియావాడి, ఆర్ఆర్, రాకీ ఔర్ రాణికి ప్రేమ్ కహానీ వంటి చిత్రాలతో ఆలియా స్టార్ హీరోయిన్‌గా ఎదిగారు. 2022 ఏప్రిల్ 14న రణబీర్ కపూర్‌ని వివాహం చేసుకుని వివాహ జీవితంలోకి అడుగుపెట్టారు. వీరికి ఓ పాప.

పలు హిందీ చిత్రాల్లో నటించిన ఆలియా.. ఆర్ఆర్ఆర్ చిత్రంలో టాలీవుడ్‌ సినీ పరిశ్రమలోకి అడుగుపెట్టి తెలుగు ప్రేక్షకుల అభిమానాలను పొందారు. చివరిగా ఆలియా జిగ్రాతో ప్రేక్షకులను అలరించారు. అయితే కొన్ని రోజులుగా ఆలియాకు సంబంధించిన ఓ వార్త సోషల్ మీడియాలో వైరల్‌గా మారింది. హను రాఘవపూడి దర్శకత్వంలో ప్రభాస్ హీరోగా ఫౌజీ అనే మూవీ తెరకెక్కుతోంది. ఈ మూవీలో ప్రభాస్ సరసన ఇమాన్వీ హీరోయిన్‌గా నటిస్తున్నారు. ఈ చిత్రాన్ని మైత్రీ మూవీ మేకర్స్ బ్యానర్స్‌పై నవీన్ ఎర్నేని, వై.రవిశంకర్ నిర్మిస్తున్నారు. పీరియాడికల్ బ్యాక్ డ్రాప్‌లో తెరకెక్కుతున్న ఈ సినిమా షూటింగ్ ప్రస్తుతం శరవేగంగా జరుగుతోంది.

అయితే ఈ సినిమాలో ఆలియా భట్ కూడా నటించబోతున్నట్టు గతకొద్ది రోజులగా టాక్ నడుస్తోంది. ఇందులో ఆలియా ఓ యువరాణి పాత్రలో నటిస్తున్నట్లు టాక్. దీనిపై త్వరలో చిత్రబృందం అధికారికంగా ప్రకటన చేయనున్నట్టు తెలుస్తోంది.