తరచూ కళ్లు తిరుగుతున్నాయా? ఇది తప్పక తెలుసుకోండి!

మీకు తరచూ కళ్లు తిరుగుతున్నాయా? ఒక్కసారిగా చుట్టూ అంతా తిరుగుతున్నట్లు అనిపిస్తుందా? అయితే ఈ లక్షణాన్ని నిర్లక్ష్యం చేయడం ఆరోగ్యపరంగా ప్రమాదకరం. ఇది చిన్న సమస్యలా కనిపించినా, కొన్నిసార్లు ఇది శరీరంలో ఉన్న ఆరోగ్య సమస్యల సంకేతంగా ఉండే అవకాశం ఉంది.

కళ్లు తిరిగే లక్షణానికి ముఖ్యమైన కారణాలు ఇవే:

లో బిపి

రక్తపోటు అకస్మాత్తుగా తగ్గితే మెదడుకు తగినన్ని రక్త సరఫరా జరగదు. దీనివల్ల కళ్లు తిరిగే అవకాశం ఉంటుంది.

తక్కువ షుగర్ స్థాయి

ముఖ్యంగా డయాబెటిస్ ఉన్నవారు ఇన్‌సులిన్ తీసుకున్న తర్వాత తినకపోతే బ్లడ్ షుగర్ లెవెల్స్ పడిపోతాయి. ఇది కూడా కళ్లు తిరిగే ప్రధాన కారణం.

ఐరన్ కొరత

శరీరంలో ఐరన్ లెవెల్స్ తక్కువగా ఉన్నప్పుడు గుండె ఎక్కువగా పని చేసి మెదడుకు ఆక్సిజన్ అందించాల్సి వస్తుంది. ఈ ఒత్తిడివల్ల మైకం వచ్చే అవకాశం ఉంది.

డీహైడ్రేషన్

వేసవిలో ఎక్కువగా చెమట ద్వారా నీరు పోతే డీహైడ్రేషన్ వస్తుంది. దీనివల్ల బ్లడ్ వాల్యూమ్ తక్కువవుతుందని, కళ్లు తిరిగే అవకాశం ఎక్కువగా ఉంటుంది.

ఇన్నర్ ఇయర్ ప్రాబ్లమ్స్:

శరీర సమతుల్యతను నిర్వహించే ఇయర్‌లో సమస్యలు (వెస్టిబులార్ డిజార్డర్స్) ఉన్నప్పుడు కూడా కళ్లు తిరిగినట్లు అనిపిస్తుంది.

ఎప్పుడు డాక్టర్‌ని సంప్రదించాలి?

♦ తరచూ లేదా ఒక్కసారిగా తీవ్రంగా కళ్లు తిరగడం

♦ కళ్లు తిరిగి పడిపోవడం

♦ ఛాతిలో నొప్పి, శ్వాస సమస్యలు

♦ చేతులు, కాళ్లలో నొప్పి లేదా చెమటలు రావడం

ఇలాంటి లక్షణాలు ఉంటే వెంటనే వైద్యుడిని సంప్రదించాలి.

సాధారణ నివారణ మార్గాలు:

♦ సరైన ఆహారం తీసుకోవాలి

♦ తగినంత నీరు తాగాలి

♦ తలెత్తి, త్వరగా లేవకూడదు

♦ నిద్రా రాహిత్యం లేకుండా చూసుకోవాలి

సూచన: ఇక్కడ ఇచ్చిన సమాచారం ఆరోగ్యంపై అవగాహన కోసం మాత్రమే. ఏవైనా తీవ్రమైన లక్షణాలైతే వైద్య సలహా తప్పనిసరి.