India Post GDS Recruitment 2026: నిరుద్యోగులకు బంపర్ ఆఫర్.. ఇండియా పోస్ట్‌లో 28,740 ఉద్యోగాలు.. కేవలం 10వ తరగతి మార్కులతోనే ఎంపిక!

India Post GDS Recruitment 2026: కేంద్ర ప్రభుత్వ ఉద్యోగం కోసం ఎదురుచూస్తున్న యువతకు ఇండియా పోస్ట్ తీపి కబురు అందించింది. దేశవ్యాప్తంగా వివిధ పోస్టల్ సర్కిళ్లలో ఖాళీగా ఉన్న 28,740 గ్రామీణ డాక్ సేవక్ (GDS) పోస్టుల భర్తీకి నోటిఫికేషన్ విడుదల చేసింది. ఈ రిక్రూట్‌మెంట్‌లో బ్రాంచ్ పోస్ట్‌మాస్టర్ (BPM), అసిస్టెంట్ బ్రాంచ్ పోస్ట్‌మాస్టర్ (ABPM) పోస్టులు ఉన్నాయి.

ముఖ్యమైన సమాచారం: ఈ ఉద్యోగాలకు ఎలాంటి రాత పరీక్ష నిర్వహించరు. అభ్యర్థుల 10వ తరగతి మార్కుల ఆధారంగా రూపొందించే మెరిట్ లిస్ట్ ద్వారానే తుది ఎంపిక ఉంటుంది.

అర్హతలు మరియు వయస్సు:

విద్యార్హత: గుర్తింపు పొందిన బోర్డు నుండి 10వ తరగతి (Ssc) ఉత్తీర్ణులై ఉండాలి.

వయస్సు: 18 ఏళ్ల నుండి 40 ఏళ్ల మధ్య ఉన్న అభ్యర్థులు దరఖాస్తు చేసుకోవడానికి అర్హులు. (ప్రభుత్వ నిబంధనల ప్రకారం వయోపరిమితి సడలింపు ఉంటుంది).

జీత భత్యాలు:

BPM పోస్టులకు: నెలకు రూ. 12,000 నుండి రూ. 29,380 వరకు.

ABPM/GDS పోస్టులకు: నెలకు రూ. 10,000 నుండి రూ. 24,470 వరకు వేతనం లభిస్తుంది.

ముఖ్యమైన తేదీలు:

నోటిఫికేషన్ విడుదల: జనవరి 31, 2026.

దరఖాస్తుల ప్రారంభం: జనవరి 31, 2026.

చివరి తేదీ: ఫిబ్రవరి 14, 2026.

దరఖాస్తు సవరణ (Correction window): ఫిబ్రవరి 18 - 19, 2026.

మెరిట్ జాబితా విడుదల: ఫిబ్రవరి 28, 2026.

దరఖాస్తు చేసుకునే విధానం: అర్హులైన అభ్యర్థులు అధికారిక వెబ్‌సైట్ indiapostgdsonline.gov.in సందర్శించి, రిజిస్ట్రేషన్ ప్రక్రియను పూర్తి చేయాలి. అవసరమైన పత్రాలను అప్‌లోడ్ చేసి, ఫీజు చెల్లించిన తర్వాత అప్లికేషన్‌ను సబ్మిట్ చేయాల్సి ఉంటుంది.