ఫేస్‌బుక్‌లో అశ్లీల పోస్ట్ చిత్తూరులో కలకలం సృష్టించింది. ఒక అమ్మాయి గురించి అశ్లీల పోస్ట్ పెట్టినందుకు సాధిక్‌ను మిట్టూరులో ఉంటున్న ఓ మహిళ, ఆమె కుమారుడు కలిసి చితకబాదారు. ఇంటికి పిలిపించి విచక్షణారహితంగా కొట్టారు. ఆ తర్వాత ఆమె కుమారుడు సాదిక్ ను ఓ కళ్యాణ మంటపం దగ్గరికి తీసుకెళ్లాడు. తన స్నేహితులతో కలిసి
మళ్ళీ చావబాదాడు. ఈ ఘటనను వీడియో స్నేహితులకు షేర్ చేశాడు. శనివారం రోజు జరిగిన ఈ ఘటన చిత్తూరులో కలకలం సృష్టించింది. చిత్తూరు వన్ టౌన్ పోలీసులు కేసు నమోదు చేసి, దర్యాప్తు చేశారు. సాదిక్ ను చితకబాదిన ఘటనలో మహిళ సహా ఏడుగురిని అరెస్ట్‌ చేశారు పోలీసులు. ఇందులో మైనర్లయిన నలుగురిని తిరుపతి జువైనల్ హోంకు తరలించారు.