కోహ్లీ సవాలును స్వీకరించిన మోదీ

‘హమ్ ఫిట్‌ తో ఇండియా ఫిట్’ పేరిట కేంద్రమంత్రి రాజ్య వర్థన్ సింగ్ చేసిన ఫిట్‌నెస్ చాలెంజ్‌ను టీమిండియా కెప్టెన్ విరాట్ కోహ్లీ స్వీకరించారు. వెంటనే తాను చేసిన ఓ వ్యాయామానికి సంబంధించిన వీడియోను సోషల్ మీడియాలో షేర్ చేశారు. దానితో పాటు ఈ ఛాలెంజ్‌‌ను స్వీకరించాల్సిందిగా తన భార్య, నటి అనుష్క శర్మకు, ప్రధాని నరేంద్ర మోదీకి, టీమిండియా మాజీ కెప్టెన్ ధోని పేర్లను ట్యాగ్ చేశారు. అయితే కోహ్లీ సవాలుపై ప్రధాని నరేంద్ర మోదీ స్పందించారు. విరాట్‌ ఛాలెంజ్‌ను స్వీకరిస్తున్నానని, త్వరలోనే తన వీడియో పోస్ట్‌ చేస్తానని ట్వీట్‌ చేశారు. మనం ఫిట్‌గా ఇండియా ఫిట్‌గా ఉంటుందని వ్యాఖ్యానించారు.