Best Scooter For Family: వీటికి మించిన బెస్ట్ స్కూటర్లు లేవు.. ధర ఎంతంటే..?

Best Scooter For Family: దేశంలో స్కూటర్ సెగ్మెంట్ ఇప్పుడు చాలా పెద్దదిగా మారింది. మార్కెట్లోకి ఎప్పటికప్పుడు కొత్తవి వస్తున్నాయి. 110సీసీ ఇంజన్‌, 125సీసీ ఇంజన్‌ ఉన్న స్కూటర్లు బాగా అమ్ముడవుతున్నాయి. మెట్రో నగరాల్లో స్కూటర్లు బాగా అమ్ముడవుతున్నాయి. వీటిని అధిక ట్రాఫిక్‌లో కూడా సులభంగా నడపవచ్చు. మీరు కూడా అలాంటి శక్తివంతమైన స్కూటర్‌ని కొనాలని ఆలోచిస్తున్నట్లయితే, మీకు ప్రయోజనకరంగా ఉండే అటువంటి రెండు స్కూటర్‌ల గురించి వివరంగా తెలుసుకుందాం.

TVS Jupiter 110

టీవీఎస్ జూపిటర్ 110 మంచి స్కూటర్, ఇప్పుడు ఇది చాలా అధునాతనంగా మారింది. ఇందులో చాలా మంచి ఫీచర్లు ఉన్నాయి. ఇంజన్ విషయానికి వస్తే, జూపిటర్ 110లో 113.3సిసి ఇంజన్ ఉంది. ఈ ఇంజన్ 5.9 పిఎస్ పవర్, 9.8 ఎన్ఎమ్ టార్క్ ఉత్పత్తి చేస్తుంది. ఇందులో సివిటి గేర్‌బాక్స్ సౌకర్యం ఉంది. కొత్త జూపిటర్‌లో బెస్ట్ ఇన్ క్లాస్ స్పీడోమీటర్ అందించారు. డిజైన్ పరంగా, ఈ స్కూటర్ ఇప్పుడు స్మార్ట్‌గా కనిపిస్తుంది. ఇందులో USB పోర్ట్ ఉంది. దీని ద్వారా మీరు మీ స్మార్ట్‌ఫోన్‌ను కూడా ఛార్జ్ చేయచ్చు. సీటు కింద 33 లీటర్ల స్థలం అందుబాటులో ఉంది, ఇక్కడ రెండు హెల్మెట్‌లు లేదా బ్యాగులు ఉంచొచ్చు. ఈ స్కూటర్ ధర రూ.73,700 నుంచి ప్రారంభమవుతుంది.

Suzuki Access 125

సుజుకి యాక్సెస్ 125 దాని విభాగంలో అత్యంత విశ్వసనీయ స్కూటర్. సాధారణ డిజైన్ , శక్తివంతమైన పనితీరుకు గుర్తింపు సాధించింది. రోజువారీ ఉపయోగం కోసం ఇది మంచి స్కూటర్. లగేజీని ఉంచడానికి మీకు మంచి స్థలం కూడా లభిస్తుంది. ఈ స్కూటర్‌లో 125 సిసి ఇంజన్ 8.7 పిఎస్ పవర్, 10 ఎన్ఎమ్ టార్క్ ఇస్తుంది. ఈ ఇంజన్‌లో ఫ్యూయల్ ఇంజెక్షన్ టెక్నాలజీని అమర్చారు. ఈ స్కూటర్ ఎక్కువ మైలేజీ ఇవ్వడమే కాకుండా, డ్రైవ్ చేయడానికి సులభంగా ఉంటుంది. ఈ స్కూటర్ ధర రూ. 71,557 నుంచి ప్రారంభమవుతుంది.