MG Astor Discounts: రూ.1.45 లక్షల డిస్కౌంట్.. ఎంజీ ఆస్టర్ ఎస్‌యూవీ.. ఇంత భారీ తగ్గింపు ఎప్పుడూ చూడలేదు..!

MG Astor Discounts: జేఎస్‌డబ్ల్యూ ఎంజీ మోటార్ ఇండియా తన ఆస్టర్ ఎస్‌యూవీపై ఏప్రిల్‌లో గొప్ప తగ్గింపులను తీసుకొచ్చింది. ఈ కారు మోడల్ ఇయర్ 2024,మోడల్ ఇయర్ 2025 రెండింటిపై కంపెనీ విభిన్న డిస్కౌంట్లను అందిస్తోంది. MY2024లో అత్యధిక తగ్గింపు అందుబాటులో ఉంది. దీనిపై కంపెనీ రూ.1.45 లక్షల వరకు ప్రయోజనాలను ఇస్తోంది. మరోవైపు, MY2025లో రూ. 70 వేల తగ్గింపు లభిస్తుంది. కంపెనీ వినియోగదారులకు క్యాష్, ఎక్స్‌‌ఛేంజ్, లాయల్టీ బోనస్, కార్పొరేట్ తగ్గింపుల వంటి ప్రయోజనాలను అందిస్తోంది. ఆస్టర్ ఎక్స్-షోరూమ్ ధరలు రూ. 11.30 లక్షల నుండి రూ. 18.55 లక్షల వరకు ఉన్నాయి.

ఇందులో హైబ్రిడ్ సెటప్‌ ఉంది. దీన్ని మొదట కొత్త MG3తో పరిచయం చేసింది. హైబ్రిడ్ సిస్టమ్ 1.5-లీటర్ అట్కిన్సన్ సైకిల్ పెట్రోల్ ఇంజన్‌ ఉంటుంది. దీనిలో 102 పిఎస్ పవర్‌ను ఉత్పత్తి చేస్తుంది. ఎలక్ట్రిక్ మోటార్ 100 kW (136 PS) ఉత్పత్తి చేస్తుంది. కొత్త ఎంజీ ఆస్టర్ హైబ్రిడ్+ సంయుక్త పవర్ అవుట్‌పుట్ 196 పిఎస్. హైబ్రిడ్ ఎస్‌యూవీ ఫ్రంట్-వీల్ డ్రైవ్ సిస్టమ్‌లో అందించారు. ఇది 3-స్పీడ్ ఆటోమేటిక్ ట్రాన్స్‌మిషన్‌తో ఉంటుంది.

ఆస్టర్ హైబ్రిడ్ ప్లస్ 0 నుండి 100 km/h వేగాన్ని అందుకోవడానికి 8.7 సెకన్లు పడుతుంది. దీనిలో 1.83 కిలోవాట్ లిథియం-అయాన్ బ్యాటరీ ఉంది. బ్యాటరీ 350 వోల్ట్లు. ఇది 45-kW జనరేటర్ నుండి రీఛార్జ్ అవుతుంది. ఎస్‌యూవీ నిర్దిష్ట పరిస్థితులలో నిర్దిష్ట సమయం వరకు పూర్తిగా విద్యుత్ శక్తితో నడిచే సామర్థ్యాన్ని కలిగి ఉంటుంది. 100కిమీల ఇంధన సామర్థ్యం చాలా బాగుంది, ఇది లీటరుకు దాదాపు 20 కిమీ. WLTP నిబంధనల ప్రకారం CO2 ఉద్గారాలు 115 g/km వద్ద ధృవీకరించారు. కొత్త ఎంజీ ఆస్టర్ హైబ్రిడ్ ప్లస్ DGT ECO పర్యావరణ బ్యాడ్జ్‌ని అందుకుంది.

స్పోర్టీ ప్రొఫైల్‌తో, కొత్త MG ఆస్టర్ హైబ్రిడ్ ప్లస్ ఎల్ఈడీ హెడ్‌ల్యాంప్‌లు, ఎల్ఈడీ డీఆర్ఎల్‌ను కలిగి ఉంది, బ్లాక్, పాలిగన్ ఎయిర్ ఇన్‌టేక్‌లతో పూర్తి చేసిన గ్రిల్. సైడ్ ప్రొఫైల్ స్పోర్టీగా ఉంది, 18-అంగుళాల డ్యూయల్-టోన్ అల్లాయ్ వీల్స్, మందపాటి క్లాడింగ్, సైడ్ మౌల్డింగ్‌లతో విభిన్నంగా ఉంటుంది. హైబ్రిడ్ ఎస్‌యూవీ విండోస్‌పై క్రోమ్ గార్నిష్, క్రోమ్ ఫినిషింగ్‌లో రూఫ్ రెయిల్‌లు, బాడీ-కలర్ డోర్ హ్యాండిల్స్ ఉన్నాయి. వెనుక వైపున, ఇందులో ట్రయాంగిల్ ఎల్ఈడీ టెయిల్ ల్యాంప్స్, డ్యూయల్-టోన్ బంపర్ ఉన్నాయి.

దీని ఇంటీరియర్ గురించి చెప్పాలంటే.. ఈ ఎస్‌యూవీని సౌకర్యానికి అనుగుణంగా రూపొందించారు. ఇందులో మీరు ప్రీమియం వైబ్‌లను పొందుతారు. కంఫర్ట్ వేరియంట్‌లో మల్టీ ఎయిర్‌బ్యాగ్‌లు, ఆటోమేటిక్ లైట్ ఆన్, రెయిన్ సెన్సార్, 12.3-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 7-అంగుళాల డిజిటల్ ఇన్‌స్ట్రుమెంట్ క్లస్టర్ ఉన్నాయి. USB పోర్ట్, ఆండ్రాయిడ్ ఆటో, ఆపిల్ కార్‌ప్లే, డిజిటల్ రేడియో, కీలెస్ ఎంట్రీ, స్టార్ట్ సిస్టమ్, రియర్ వ్యూ కెమెరా, ఫ్రంట్ మరియు రియర్ పార్కింగ్ సెన్సార్‌లు వంటి ఫీచర్‌లను కూడా యూజర్‌లు పొందుతారు.

సేఫ్టీ కిట్‌లో సెంట్రల్ లాకింగ్, అడాప్టివ్ క్రూయిజ్ కంట్రోల్, స్పీడ్ లిమిటర్ ఉన్నాయి. అడాస్ ఫీచర్ల గురించి చెప్పాలంటే, ఇందులో యాక్టివ్ ఎమర్జెన్సీ బ్రేకింగ్, లేన్ కీపింగ్ అసిస్ట్, లేన్ డిపార్చర్ వార్నింగ్, బ్లైండ్ స్పాట్ డిటెక్షన్, డ్రైవర్ అటెన్షన్ అలర్ట్, ఫార్వర్డ్ కొలిషన్ వార్నింగ్, రియర్ క్రాస్ ట్రాఫిక్ అలర్ట్‌తో పాటు పాదచారులు, సైక్లిస్ట్ డిటెక్షన్ ఉన్నాయి. ఇంటెలిజెంట్ స్పీడ్ అసిస్టెంట్, టైర్ ప్రెజర్ మానిటరింగ్ సిస్టమ్, ఇ-కాల్ ఎమర్జెన్సీ కాల్ సిస్టమ్, 360 డిగ్రీ కెమెరా వంటి ఫీచర్లు కూడా ఇందులో ఉన్నాయి.