Hero: నయా అడ్వెంచర్ స్కూటర్ లాంచ్ చేసిన హోండా.. అదిరే ఫీచర్లు, అద్భుతమైన స్టోరేజ్

Hero: హోండా కంపెనీ తన కొత్త అడ్వెంచర్ స్కూటర్‌ను భారత్ వెలుపల లాంచ్ చేసింది. మలేషియాలో ADV 350 అడ్వెంచర్-స్టైల్ స్కూటర్ కొత్త వెర్షన్‌ను విడుదల చేసింది. ఈ స్కూటర్‌కు కొన్ని చిన్న, కానీ ముఖ్యమైన మార్పులు చేశారు. ఇప్పుడు ఇందులో చాలా కొత్త ఫీచర్లు అందుబాటులోకి వచ్చాయి. ఈ స్కూటర్‌ను రెండు సరికొత్త రంగులలో కొనుగోలు చేయవచ్చు. మోస్కాటో రెడ్ మెటాలిక్, మ్యాట్ పెర్ల్ అగైల్ బ్లూలలో కూడా ఈ స్కూటర్ లభిస్తుంది. ప్రస్తుతం ఉన్న మ్యాట్ గన్ పౌడర్ బ్లాక్ మెటాలిక్ రంగు కూడా కొనసాగుతుంది.

హోండా ADV 350 స్కూటర్‌లో అనేక ఆకట్టుకునే ఫీచర్లు ఉన్నాయి. ఇందులో 5 అంగుళాల కలర్ TFT-LCD స్క్రీన్ ఉంది. ఈ స్క్రీన్‌కు హోండా రోడ్‌సింక్ బ్లూటూత్ కనెక్టివిటీ కూడా ఉంది. దీని ద్వారా ఫోన్ నోటిఫికేషన్లు, నావిగేషన్ సమాచారం అన్నీ స్క్రీన్‌పై చూసుకోవచ్చు. వెనుక షాక్ అబ్జార్బర్ల కోసం రిమోట్ ప్రీలోడ్ అడ్జస్టర్ కూడా ఇచ్చారు. అంతేకాదు, సీటు కింద ఏకంగా 48 లీటర్ల పెద్ద స్టోరేజ్ స్పేస్ ఉంది. ఇందులో రెండు ఫుల్-ఫేస్ హెల్మెట్‌లను చాలా సులభంగా పెట్టుకోవచ్చు. ముందు వైపు ఉన్న గ్లోవ్ బాక్స్‌లో USB-C ఛార్జింగ్ పోర్ట్ కూడా ఉంది. అలాగే, LED ఇండికేటర్లు ఆటోమేటిక్‌గా ఆగిపోయే ఆటో-క్యాన్సిలింగ్ ఇండికేటర్స్ వంటి ఫీచర్లు ఉన్నాయి.

ఈ కొత్త అడ్వెంచర్ స్కూటర్‌లో 330cc సింగిల్-సిలిండర్ లిక్విడ్-కూల్డ్ ఇంజిన్ ఉంది. ఇది 28.8bhp పవర్, 31.5Nm టార్క్ ఉత్పత్తి చేస్తుంది. బ్రేకింగ్ సిస్టమ్‌లో ముందు వైపు 256mm డిస్క్ బ్రేక్, వెనుక వైపు 240mm డిస్క్ బ్రేక్ ఉన్నాయి. ఈ బ్రేకులు 15-ఇంచుల ఫ్రంట్ వీల్, 14 ఇంచుల రేర్ వీల్ తో అనుసంధానమై ఉంటాయి.

ప్రస్తుతానికి, హోండా ADV 350 భారత్‌లో విడుదలయ్యే అవకాశం తక్కువగా కనిపిస్తోంది. అయితే, భవిష్యత్తులో కంపెనీ ఈ స్కూటర్‌ను భారత మార్కెట్‌లోకి కూడా తీసుకువస్తుందని ఆశిస్తున్నారు. ఒకవేళ వస్తే దీని ఎక్స్-షోరూమ్ ధర సుమారు రూ.11.90 లక్షల కంటే తక్కువ ఉండొచ్చని అంచనా.