2025 MG Windsor EV Long Range: అరరే.. కొత్త బ్యాటరీ, సేఫ్టీ ఫీచర్స్‌తో ఫేమస్ కారు.. సింగిల్ ఛార్జ్‌పై ఊహించని రేంజ్..!

2025 MG Windsor EV Long Range: ఎంజీ మోటార్ ఇండియా దేశీయ మార్కెట్ కోసం పెద్ద బ్యాటరీ ప్యాక్‌తో విండ్సర్ ఈవీ వేరియంట్‌పై పనిచేస్తోంది. కంపెనీ ఈ వేరియంట్‌ను టెస్ట్ చేయడం కూడా ప్రారంభించింది. ఈ సమయంలో దాని ఫోటోలు కూడా బయటపడ్డాయి. ఇప్పుడు, ఈ ఎలక్ట్రిక్ ఎస్‌యూవీ కొత్త వెర్షన్ హర్యానాలోని గుర్గావ్‌లో కనిపించింది. ఆసక్తికరంగా, ఇది వెనుక భాగంలో ADAS బ్యాడ్జ్,ముందు విండ్‌షీల్డ్‌పై రాడార్‌ను చూడచ్చు. ఈ లాంగ్ రేంజ్ మోడల్‌లో అనేక అటానమస్ డ్రైవింగ్ ఫీచర్లు అందుబాటులో ఉంటాయని ఇది చూపిస్తుంది. విండ్సర్ ఈవీ విడుదలైనప్పటి నుండి దేశంలో అత్యధికంగా అమ్ముడైన ఎలక్ట్రిక్ కారుగా నిలిచింది.

కొత్త విండ్సర్ ఈవీ భారతీయ మార్కెట్లో టాటా నెక్సాన్ ఈవీతో నేరుగా పోటీ పడుతుండటం వలన, దాని టాప్ వేరియంట్లలో V2L (వెహికల్ టు లోడ్) ఫీచర్‌ను ప్రవేశపెట్టే అవకాశం ఉంది. లాంగ్-రేంజ్ వెర్షన్‌లో 50.3 కిలోవాట్ బ్యాటరీ ప్యాక్ ఉండవచ్చని వెల్లడైంది, దీనిని మనం ఇప్పటికే ZS EV లో చూశాము. ఇది 460 కి.మీ. పరిధిని ఇస్తుంది. విండ్సర్ ఈవీ పూర్తిగా ఛార్జ్ అయినప్పుడు దాదాపు అదే డ్రైవింగ్ రేంజ్ అనుభవాన్ని అందిస్తుంది. ఎంజీ దీనిని విడుదల చేసినప్పుడు ADAS, లాంగ్-రేంజ్ వెర్షన్‌ను 'విండ్సర్ ప్రో' పేరుతో తీసుకురావచ్చు.

విండ్సర్ ఈవీలోని స్టాండర్డ్ సేఫ్టీ ఫీచర్స్‌లో లాంగ్-రేంజ్ వెర్షన్‌లో ఆరు ఎయిర్‌బ్యాగ్స్, ఎలక్ట్రానిక్ స్టెబిలిటీ ప్రోగ్రామ్, ఎలక్ట్రిక్ పార్కింగ్ బ్రేక్, 360-డిగ్రీ కెమెరా ఉన్నాయి. ఇప్పుడు, లెవల్ 2 అడాస్ సూట్‌ను చేర్చడంతో, విండ్సర్ ఈవీ అడాప్టివ్ క్రూయిజ్ కంట్రోల్, ఆటోమేటిక్ ఎమర్జెన్సీ బ్రేకింగ్, ఇంటెలిజెంట్ హై బీమ్ అసిస్ట్ వంటి అధునాతన, అప్-మార్కెట్ ఫీచర్స్ పొందే అవకాశం ఉంది.

ఎంజీ విండ్సర్ ఈవీలోని కొన్ని క్లాస్ ఫీచర్లలో 135-డిగ్రీల రిక్లైన్‌ ఏరో-లాంజ్ సీట్లు, 18-అంగుళాల డైమండ్ కట్ అల్లాయ్ వీల్స్, 6-వే పవర్ అడ్జస్టబుల్ డ్రైవర్ సీటు, స్మార్ట్ ఫ్లష్ డోర్ హ్యాండిల్స్, పీఎమ్ 2.5 ఫిల్టర్, వెంటిలేటెడ్ ఫ్రంట్ రో సీట్లు, పనోరమిక్ గ్లాస్ రూఫ్, 256 కలర్ యాంబియంట్ లైటింగ్, ఇన్ఫినిటీ ద్వారా 9 స్పీకర్ ఆడియో సిస్టమ్, వైర్‌లెస్ ఆండ్రాయిడ్ ఆటో, యాపిల్ కార్‌ప్లేతో 15.6-అంగుళాల గ్రాండ్ వ్యూ టచ్‌స్క్రీన్ ఇన్ఫోటైన్‌మెంట్ సిస్టమ్, 80+ ఐ-స్మార్ట్ కనెక్ట్ చేసిన ఫీచర్లు ఉన్నాయి.

ప్రస్తుత విండ్సర్ ఈవీ 38కిలోవాట్ లిథియం-అయాన్ బ్యాటరీతో రన్ అవుతుంది, ఇది ఒక్కసారి ఛార్జ్ చేస్తే 332 కి.మీ డ్రైవింగ్ రేంజ్ అందిస్తుంది. ఇది గరిష్టంగా 134 బిహెచ్‌పి పవర్, 200 ఎన్ఎమ్ పీక్ టార్క్‌ను ఉత్పత్తి చేస్తుంది. ఎకో ప్లస్, ఎకో, నార్మల్, స్పోర్ట్ అనే నాలుగు డ్రైవింగ్ మోడ్‌లు లభిస్తాయి. ఈ బ్రిటిష్ బ్రాండ్ కారు బ్యాటరీపై లైఫ్‌లాంగ్ వారంటీని అందిస్తోంది. దీనితో పాటు, కస్టమర్లకు 3 సంవత్సరాలు లేదా 45,000 కి.మీ తర్వాత 60శాతం బైబ్యాక్ హామీ కూడా ఇస్తుంది. విండ్సర్ ఈవీని ఎక్సైట్, ఎక్స్‌క్లూజివ్,ఎసెన్స్ ట్రిమ్‌లలో కొనుగోలు చేయవచ్చు. దీని ప్రారంభ ఎక్స్-షోరూమ్ ధర రూ. 14 లక్షలు.