Tanuku: తణుకు మండలం వేల్పూరులో బీఎస్పీ అభ్యర్థి సంచలన విజయం!

Tanuku: ఎంపీటీసీ, జడ్పీటీసీ ఎన్నికల్లో బహుజన సమాజ్ పార్టీ విజయకేతనం ఎగరవేసింది. ఎమ్మెల్యే ఆరిమిల్లి రాధాకృష్ణ స్వగ్రామం వేల్పూరులో 6 ఎంపీటీసీ స్థానాలకు గాను, కూటమి ప్రభుత్వం మూడు స్థానాలను ఏకగ్రీవం చేసింది. రెండు ఎంపీటీసీ స్థానాల్లో తెదేపా పోటీ ఇవ్వగా, ఎంపీటీసీ 5 లో మాత్రం కూటమి అభ్యర్థి పోటీలో లేకపోవడంతో వైకాపా, బీఎస్పీ అభ్యర్థులు ఎన్నికల బరిలో నిలిచారు. హోరాహోరీ పోటీలో అన్యుహంగా బీఎస్పీ అభ్యర్థి మేడిద ఆనందరావు విజయం సాధించారు. ఇదే పోలింగ్ కేంద్రంలో

ఎమ్మెల్యే ఆరిమిల్లి తన ఓటు హక్కును వినియోగించుకోవడం గమనార్హం. ఈ సందర్భంగా ఎన్నికల రిటర్నింగ్ అధికారి ఆరిమిల్లి శ్రీనివాస్ బీఎస్పీ అభ్యర్థి ఆనందరావుకు డిక్లరేషన్ పత్రం అందజేశారు. భారత రాజ్యాంగ నిర్మాత డాక్టర్ బి.ఆర్.అంబేడ్కర్ ఆశయ సాధనకు కృషి చేస్తానని ఆనందరావు పేర్కొన్నారు.