Palakurthi: పాలకుర్తి శ్రీ సోమేశ్వర స్వామి ఆలయంలో ఎమ్మెల్యే యశస్విని రెడ్డి పూజలు!

జనగామ జిల్లా: పాలకుర్తి మండలంలోని ప్రసిద్ధ శ్రీ సోమేశ్వర లక్ష్మీనరసింహ స్వామివారి ఆలయంలో దసరా పర్వదినాన్ని పురస్కరించుకుని పాలకుర్తి శాసన సభ్యురాలు మామిడాల యశస్విని రెడ్డి తన కుటుంబ సభ్యులతో కలిసి స్వామివారిని దర్శించుకుని ప్రత్యేక పూజలు నిర్వహించారు. ఈ సందర్భంగా స్వామివారి ఆశీస్సులతో నియోజకవర్గ ప్రజలందరూ సుఖసంతోషాలతో,ఆయురారోగ్యాలతో ఉండాలని ఆమె ఆకాంక్షించారు. దసరా పండుగను పురస్కరించుకుని ప్రజలందరికీ విజయదశమి శుభాకాంక్షలు తెలిపారు.