Mahabubabad: సీరోల్‌లో బతుకమ్మ విగ్రహావిష్కరణ: రాజ్యవర్ధన్ రెడ్డి!
Mahabubabad: మహబూబాబాద్ జిల్లా సీరోల్‌లో ఐదో రోజు బతుకమ్మ వేడుకలు ఘనంగా జరిగాయి. దివంగత వెడవెల్లి వెంకటమ్మ స్మారకార్థం ఏర్పాటు చేసిన బతుకమ్మ విగ్రహాన్ని ఆవిష్కరించారు.
Mahabubabad: సీరోల్‌లో బతుకమ్మ విగ్రహావిష్కరణ: రాజ్యవర్ధన్ రెడ్డి!
Mahabubabad: తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ వేడుకలు సీరోల్ గ్రామంలో ఘనంగా నిర్వహించారు. ఐదో రోజు బతుకమ్మ పండుగను పురస్కరించుకుని, దివంగత శ్రీమతి వెడవెల్లి వెంకటమ్మ స్మారకార్థం, మాజీ ఎమ్మెల్సీ, స్వాతంత్ర్య సమరయోధుడు, సీరోల్ అభివృద్ధి ప్రదాత వెడవెల్లి వెంకట్ రెడ్డి కుటుంబం సౌజన్యంతో ఏర్పాటు చేసిన బతుకమ్మ విగ్రహాన్ని వెడవెల్లి రాజ్యవర్ధన్ రెడ్డి ఆవిష్కరించారు.
ఈ సందర్భంగా గ్రామంలో పండుగ వాతావరణం నెలకొంది. గ్రామ ప్రజలు పెద్ద సంఖ్యలో పాల్గొనడంతో వేడుకలు అంగరంగ వైభవంగా జరిగాయి. తెలంగాణ సంస్కృతి, సంప్రదాయాలను ప్రతిబింబించే బతుకమ్మ పండుగను గ్రామస్తులంతా కలిసి ఉత్సాహంగా జరుపుకున్నారు.
సర్పంచ్ అనుమంతుల రమణ ఆధ్వర్యంలో నిర్వహించిన ఈ కార్యక్రమంలో మాజీ సర్పంచ్ బొల్లికొండ నాగేశ్వర్ రావు, మాజీ ఎంపీటీసీ మక్కల మంగమ్మ, వెంకన్న, మాజీ ఉపసర్పంచులు తగరం గురువయ్య, అనుమంతుల నగేష్, వార్డు సభ్యులు, గ్రామ పెద్దలు మంగళపెల్లి కన్నా, యువకులు, గ్రామ ప్రజలు తదితరులు పాల్గొన్నారు.
