Warangal: కేయూ మాజీ వీసీ ప్రొఫెసర్ కోకటే కన్నుమూత!

వరంగల్: కాకతీయ విశ్వవిద్యాలయ మాజీ ఉపకులపతి, ప్రొఫెసర్ చంద్రకాంత్ కోకటే మృతి పట్ల విశ్వవిద్యాలయ ఉపకులపతి ఆచార్య కె. ప్రతాప్ రెడ్డి, రిజిస్ట్రార్ ప్రొఫెసర్ వి. రామచారం తీవ్ర సంతాపం వ్యక్తం చేశారు. ప్రొఫెసర్ చంద్రకాంత్ కోకటే మంగళవారం రాత్రి 9 గంటలకు మహారాష్ట్రలోని పుణేలో తుదిశ్వాస విడిచారు.

ఆయన 2001 నుంచి 2004 వరకు కాకతీయ విశ్వవిద్యాలయ ఉపకులపతిగా సేవలందించారు. అంతేకాకుండా, విశ్వవిద్యాలయంలో పలు కీలక పదవులను నిర్వహించి విద్యా, పరిశోధన రంగాల అభివృద్ధికి విశేష కృషి చేశారు. ఫార్మసీ కౌన్సిల్ ఆఫ్ ఇండియా అధ్యక్షుడిగా కూడా ఆయన సేవలందించారు.

ప్రొఫెసర్ చంద్రకాంత్ కోకటే మరణం విద్యా, పరిశోధన రంగాలకు తీరని లోటని వీసీ ఆచార్య కె. ప్రతాప్ రెడ్డి, రిజిస్ట్రార్ ప్రొఫెసర్ వి. RAMCHANDRAM పేర్కొన్నారు. ఆయన కుటుంబ సభ్యులకు ప్రగాఢ సానుభూతిని తెలియజేస్తూ, వారి ఆత్మకు శాంతి చేకూరాలని ప్రార్థించారు.