Rolugunta: జానకిరామపురంలో వ్యక్తిపై దాడి నలుగురిపై కేసు నమోదు!

Rolugunta: జానకిరామపురం గ్రామంలో వ్యక్తిపై దాడికి పాల్పడిన ఘటనలో నలుగురిపై రోలుగుంట పోలీసులు కేసు నమోదు చేశారు. పోలీసుల వివరాల ప్రకారం గ్రామానికి చెందిన పైల శ్రీను (25) ఈ నెల 28న గ్రామంలో నిర్వహించిన అన్నసమారాధన కార్యక్రమంలో భోజనం చేస్తున్న సమయంలో, భూవివాదానికి సంబంధించిన అంశంలో అదే గ్రామానికి చెందిన నలుగురు వ్యక్తులు ఆయనపై దాడికి పాల్పడినట్లు ఫిర్యాదు అందింది.

ఈ ఘటనలో శ్రీను తలకు గాయమైనట్లు ఫిర్యాదులో పేర్కొన్నారు. బాధితుడి ఫిర్యాదు మేరకు రోలుగుంట పోలీసులు FIR నంబర్ 64/2026 నమోదు చేశారు. BNS సెక్షన్లు 118(1), 351(3)తో పాటు 3(5) కింద కేసు నమోదు చేసి దర్యాప్తు చేపట్టారు. కేసు దర్యాప్తు అధికారిగా ఎస్‌ఐ పీ. రామకృష్ణరావు వ్యవహరిస్తున్నట్లు పోలీసులు తెలిపారు.