Narsipatnam: స్పీకర్ అయ్యన్నపాత్రుడిని కలిసిన నూతన జెడ్పీటీసీలు

నర్సీపట్నం: నర్సీపట్నం నియోజకవర్గ పరిధిలోని నాలుగు మండలాలకు నూతనంగా ఎన్నికైన జెడ్పీటీసీలు గురువారం ఆంధ్రప్రదేశ్ రాష్ట్ర శాసనసభ స్పీకర్ శ్రీ చింతకాయల అయ్యన్నపాత్రుడు గారిని మర్యాదపూర్వకంగా కలిశారు. ఈ సందర్భంగా వారు తమ గెలుపు పట్ల హర్షం వ్యక్తం చేస్తూ స్పీకర్ గారి ఆశీస్సులు తీసుకున్నారు.

​ఇటీవల ఎన్నికల అధికారుల ద్వారా తాము అందుకున్న గెలుపు ధ్రువపత్రాలను (ఎలక్షన్ సర్టిఫికెట్స్) ఈ సందర్భంగా జెడ్పీటీసీలు స్పీకర్ గారికి చూపించారు. అనంతరం ఆయనపై ఉన్న గౌరవం, అభిమానంతో ఆ ధ్రువపత్రాలను మరోసారి లాంఛనంగా స్పీకర్ గారి చేతుల మీదుగా స్వీకరించారు. ఈ కార్యక్రమంలో మాకవరపాలెం జెడ్పీటీసీ అల్లు నాయుడు, నర్సీపట్నం జెడ్పీటీసీ సుకల రమణమ్మ, గొలుగొండ జెడ్పీటీసీ గోరా చంద్రశేఖర్, నాతవరం జెడ్పీటీసీ లెక్కల సన్యాసినాయుడు పాల్గొన్నారు.​

ఈ సందర్భంగా నూతన జెడ్పీటీసీలకు స్పీకర్ శ్రీ చింతకాయల అయ్యన్నపాత్రుడు అభినందనలు తెలిపి, పలు కీలక సూచనలు చేశారు. ప్రజలు మీపై ఎంతో నమ్మకంతో ఈ బాధ్యతను అప్పగించారని, ఆ నమ్మకాన్ని వమ్ము చేయకుండా నిరంతరం వారి సేవలో ఉండాలని ఆయన దిశానిర్దేశం చేశారు.