Madhurawada: జీవీఎంసీ 6వ వార్డులో పోతిన హనుమంతరావు ప్రచారం జోరు!

మధురవాడ: జీవీఎంసీ 6వ వార్డు వైఎస్సార్‌సీపీ కార్పొరేటర్ అభ్యర్థి పోతిన హనుమంతరావు ఎన్నికల ప్రచారం ముమ్మరంగా కొనసాగుతోంది. సోమవారం సంబువానిపాలెం, B2 కాలనీ, సేవా నగర్ ప్రాంతాల్లో ఇంటింటి ప్రచారం నిర్వహిస్తూ ఓటర్లను కలుసుకున్నారు. ఈ సందర్భంగా తనకు మద్దతు తెలిపి గెలిపించాలని ప్రజలను అభ్యర్థించారు.

ప్రచారంలో భాగంగా పోతిన హనుమంతరావు మాట్లాడుతూ 6వ వార్డు అభివృద్ధి, ప్రజా సమస్యల పరిష్కారమే తన ప్రధాన లక్ష్యమని తెలిపారు. రహదారులు, డ్రైనేజీ, తాగునీరు, వీధి దీపాలు, ఇతర మౌలిక సదుపాయాల కల్పనకు ప్రాధాన్యం ఇస్తానని హామీ ఇచ్చారు. ప్రజలకు అవసరమైన అభివృద్ధి పనులను గుర్తించి, వార్డు సమగ్ర అభివృద్ధికి కృషి చేస్తానని పేర్కొన్నారు.

ప్రచార సమయంలో స్థానికులు ఆయనకు స్వాగతం పలికారు. మహిళలు హారతులు పట్టగా, యువత, పెద్దలు ప్రచారంలో పాల్గొన్నారు. ప్రజలతో మమేకమవుతూ వారి సమస్యలను అడిగి తెలుసుకున్నారు. ఈ కార్యక్రమంలో వైఎస్సార్‌సీపీ నాయకులు, కార్యకర్తలు, అభిమానులు, మహిళా సంఘాల ప్రతినిధులు పాల్గొన్నారు.