Anakapalle: అనకాపల్లిలో వైకాపాకు ఊహించని షాక్ జనసేనలో చేరిన కీలక నేతలు!

Anakapalle: స్థానిక రాజకీయాల్లో కీలక పరిణామం చోటుచేసుకుంది. వైఎస్సార్‌సీపీకి చెందిన ఇద్దరు నేతలు జనసేన పార్టీలో చేరారు. వైఎస్సార్‌సీపీ రాష్ట్ర వైద్య విభాగం ప్రధాన కార్యదర్శి బొడ్డేడ లక్ష్మీనారాయణ, వైఎస్సార్‌సీపీ పట్టణ ఉపాధ్యక్షుడు మద్దాల రమణబాబు జనసేన పార్టీలో చేరడం స్థానిక రాజకీయ వర్గాల్లో చర్చనీయాంశంగా మారింది.

అనకాపల్లిలోని జనసేన పార్టీ కార్యాలయంలో నిర్వహించిన కార్యక్రమంలో జనసేన పార్టీ అనకాపల్లి ఇన్‌ఛార్జ్ భీమరశెట్టి రామ్కీ సమక్షంలో వీరిద్దరూ జనసేన కండువాలు కప్పుకున్నారు. ఈ సందర్భంగా రామ్కీ వారికి పార్టీ కండువాలు కప్పి సాదరంగా పార్టీలోకి ఆహ్వానించారు.

వైఎస్సార్‌సీపీలో కీలక బాధ్యతలు నిర్వహించిన నేతలు జనసేనలో చేరడంతో అనకాపల్లి రాజకీయాల్లో ఈ పరిణామానికి ప్రాధాన్యత ఏర్పడింది. వీరి చేరికతో స్థానికంగా జనసేన పార్టీ రాజకీయ బలం మరింత పెరుగుతుందా? అన్న చర్చ రాజకీయ వర్గాల్లో సాగుతోంది. ఈ కార్యక్రమంలో జనసేన, తెలుగుదేశం పార్టీల నాయకులు, కార్యకర్తలు పాల్గొన్నారు.