Paderu: అల్లూరి జిల్లా కలెక్టరేట్‌లో ఘనంగా విశ్వకర్మ జయంతి

పాడేరు: పాడేరు అల్లూరి సీతారామరాజు జిల్లా కలెక్టరేట్‌లో విశ్వకర్మ జయంతి వేడుకలను నిర్వహించారు. ఈ సందర్భంగా జిల్లా కలెక్టర్ శ్రీమతి టి. నిశాంతి, అధికారులతో కలిసి వాస్తు శిల్పి విశ్వకర్మ చిత్రపటానికి పూలమాల వేసి నివాళులర్పించారు.

ఈ సందర్భంగా జిల్లా కలెక్టర్ మాట్లాడుతూ, వాస్తు శిల్పం, నిర్మాణ రంగాలకు విశ్వకర్మ అందించిన సేవలను స్మరించుకోవాలని అన్నారు. శిల్పకళ, వాస్తు, నిర్మాణ నైపుణ్యాలకు మన దేశంలో సుదీర్ఘమైన సంప్రదాయం ఉందని తెలిపారు.

సంప్రదాయ వృత్తి నైపుణ్యాలను పరిరక్షించడంతో పాటు, ఆధునిక సాంకేతికతను అందిపుచ్చుకుని నైపుణ్యాలను మరింత అభివృద్ధి చేసుకోవాల్సిన అవసరం ఉందని కలెక్టర్ పేర్కొన్నారు. ముఖ్యంగా యువత సంప్రదాయ నైపుణ్యాలను ఆధునిక శిక్షణతో అనుసంధానం చేసుకుని ఉపాధి అవకాశాలను సద్వినియోగం చేసుకోవాలని సూచించారు.

విశ్వకర్మ జయంతి సందర్భంగా శిల్పకళ, వాస్తు మరియు నిర్మాణ రంగాల్లో పనిచేస్తున్న వృత్తి నిపుణుల సేవలను గుర్తిస్తూ, వారి నైపుణ్యాల అభివృద్ధికి అవసరమైన ప్రోత్సాహం అందించడం ముఖ్యమని ఆమె తెలిపారు. కార్యక్రమంలో జిల్లా స్థాయి అధికారులు, సిబ్బంది పాల్గొన్నారు.