Sundarayyapeta: సుందరయ్యపేట దుర్గాలమ్మ ఆలయ నిర్మాణానికి రూ.50 వేల విరాళం

సుందరయ్యపేట: గ్రామంలో అమ్మ దుర్గాలమ్మ తల్లి ఆలయ నిర్మాణానికి మండల తెలుగు యువత అధ్యక్షులు, గ్రామస్తుడు చందక నర్సింగరావు రూ.50 వేల విరాళాన్ని ప్రకటించారు.

గ్రామ పెద్దలు, యువకులు, నూతన ఎంపీటీసీ సమక్షంలో నిర్వహించిన సమావేశంలో ఆయన ఈ ప్రకటన చేశారు. ఈ సందర్భంగా మాట్లాడుతూ.. ఎంపీటీసీ నిధులు మంజూరైన వెంటనే గ్రామంలో కళ్యాణ మండపం నిర్మాణానికి ప్రాధాన్యతనిస్తూ నిధులు కేటాయిస్తానని హామీ ఇచ్చారు. గ్రామ అభివృద్ధితో పాటు ఆధ్యాత్మిక కార్యక్రమాలకు తనవంతు సహకారం ఎల్లప్పుడూ అందిస్తానని స్పష్టం చేశారు.

ఈ కార్యక్రమంలో మాజీ సర్పంచ్ బాధపు తాతారావు, ధనలక్ష్మి, గ్రామ పెద్ద బాధపు అప్పారావు, కుండల దేముడు, బాధపు చిమ్మన్నగారి నాయుడు, వియ్యపు అప్పల నాయుడు, బోయిన రమణ తదితరులు పాల్గొన్నారు.

ప్రజా సేవతో పాటు ఆధ్యాత్మిక కార్యక్రమాలకు చేయూతనిస్తూ చందక నర్సింగరావు ప్రకటించిన విరాళంపై గ్రామస్తులు హర్షం వ్యక్తం చేశారు.