Sullurpeta: డ్రగ్స్ ఫ్రీ నేషన్ బైక్ ర్యాలీకి సూళ్ళూరుపేట సరిహద్దులో ఘన స్వాగతం!

సూళ్ళూరుపేట: తిరుపతి జిల్లా సూళ్ళూరుపేట సర్కిల్ ఇన్‌స్పెక్టర్ ఎం. మురళీకృష్ణ మాట్లాడుతూ, డ్రగ్స్‌కు వ్యతిరేకంగా 'డ్రగ్స్ ఫ్రీ నేషన్' మరియు 'ఫైట్ ఎగైనెస్ట్ డ్రగ్స్' అనే నినాదంతో అండమాన్ నికోబార్, పుదుచ్చేరి, తమిళనాడు పోలీసుల ఆధ్వర్యంలో పుదుచ్చేరిలో ప్రారంభమైన ఈ ర్యాలీ గుజరాత్‌లోని ఏక్తా నగర్ వరకు సుమారు 1,972 కిలోమీటర్ల దూరం సాగుతుందని తెలిపారు.

సమాజంలో డ్రగ్స్ పట్ల ప్రజలకు విస్తృతమైన అవగాహన కల్పించడమే ఈ భారీ ర్యాలీ యొక్క ముఖ్య ఉద్దేశమని ఆయన పేర్కొన్నారు. ఈ కార్యక్రమంలో పురుషులతో పాటు మహిళలు కూడా ఉత్సాహంగా పాల్గొన్నారని, సుమారు 44 మంది మోటార్ సైకిళ్లపై ఈ యాత్రను కొనసాగిస్తున్నారని తెలిపారు. పుదుచ్చేరి నుండి బయలుదేరిన ఈ బైక్ ర్యాలీ ఆంధ్రప్రదేశ్ రాష్ట్ర సరిహద్దు ప్రాంతమైన పన్నంగాడు వద్దకు చేరుకున్న సందర్భంగా వారికి స్థానిక పోలీసులు ఘన స్వాగతం పలికి సాదరంగా ఆహ్వానించడం జరిగిందని ఆయన వెల్లడించారు.

దేశాన్ని డ్రగ్స్ రహితంగా మార్చేందుకు ప్రజలందరూ ఐక్యంగా కలిసికట్టుగా పోరాడాలని పిలుపునిస్తూ ఈ యాత్ర పుదుచ్చేరి నుండి గుజరాత్‌లోని ఏక్తా నగర్ వరకు కొనసాగుతుందని మురళీకృష్ణ వివరించారు. ఈ కార్యక్రమంలో పాల్గొన్న ప్రతి ఒక్కరూ యువతకు డ్రగ్స్ వలన కలిగే అనర్థాలపై క్షేత్రస్థాయిలో అవగాహన కల్పిస్తూ ముందుకు సాగుతున్నారని, ఇలాంటి సామాజిక కార్యక్రమాలు యువతను సరైన మార్గంలో నడిపించడానికి ఎంతగానో దోహదపడతాయని ఆయన అభిప్రాయపడ్డారు. దేశ సమైక్యతను, శాంతిభద్రతలను పరిరక్షించడంలో పోలీసు యంత్రాంగం ఏ విధంగా ముందుంటుందో ఈ బైక్ ర్యాలీ మరోసారి నిరూపిస్తోందని, ప్రజలందరూ పోలీసుల ఈ మంచి ప్రయత్నానికి సంపూర్ణ మద్దతునిచ్చి డ్రగ్స్ రహిత సమాజ నిర్మాణంలో భాగస్వాములు కావాలని ఆయన పిలుపునిచ్చారు.