hmtv Business Excellence Awards 2026: హైదరాబాద్‌లో వ్యాపార దిగ్గజాల సమ్మేళనం.. నేడే హెచ్‌ఎమ్‌టీవీ బిజినెస్ ఎక్సలెన్స్ అవార్డ్స్-2026!

hmtv Business Excellence Awards 2026: హైదరాబాద్ లోని JRC కన్వెన్షన్ హాల్ లో ఇవాళ hmtv ఆధ్వర్యంలో బిజినెస్ ఎక్స్ లెన్స్ అవార్డ్స్-2026 కార్యక్రమం జరగనుంది. వ్యాపార రంగంలో విశిష్ట సేవలు అందించిన ప్రముఖులకు ఈ కార్యక్రమంలో బిజినెస్ ఎక్స్ లెన్స్ అవార్డ్స్ ని ప్రధానం చేయనున్నారు. మధ్యాహ్నం 2.30 నిమిషాల నుంచి ప్రారంభమయ్యే కార్యక్రమంలో నాలుగు సెషన్స్ ఉంటాయి.

తొలి సెషన్ లో హాకథాన్ కార్యక్రమం ఉంటుంది. ఇంజనీరింగ్ అద్భుతప్రతిభ చాటుతున్న టాప్-20 టీమ్స్ తో ఈ కార్యక్రమం జరుగుతుంది. ఆ తర్వాత సెషన్ లో గ్లోబల్ క్యాపబిలిటీ సెంటర్స్ హవర్ కొనసాగనుంది. ఆ తర్వాత స్పేస్ అండ్ డిఫెన్స్ టెక్నాలజీ అవర్ కొనసాగుతుంది. ఇది టాలెంటెడ్ విద్యార్థులకు, కంపెనీలకు మధ్య ఈ కార్యక్రమాలు వారధిలా నిలవనున్నాయి.

చివరి సెషన్ 6.30 నిమిషాల నుంచి ప్రారంభకానుంది. ప్రతిష్టాత్మకమైన బిజినెస్ ఎక్స్ లెన్స్ అవార్డు కార్యక్రమానికి ఎందరో అతిరథ మహారథులు హాజరుకానున్నారు. ఈ కార్యక్రమంలో 28 మందికి బిజినెస్ ఎక్స్ లెన్స్ అవార్డులు.. విశిష్ట సేవలందించిన మరో ఇద్దరికి లైఫ్ టైమ్ ఎచీవ్ మెంట్ అవార్డులు ఇవ్వనున్నారు.

ఈ కార్యక్రమానికి ముఖ్య అతిధులుగా బీజేపీ ఎంపీ ఈటల రాజేందర్, రాష్ట్ర రెవిన్యూ, గృహ నిర్మాణ, సమాచార శాఖామాత్యులు పొంగులేటి శ్రీనివాసరెడ్డి, ప్రముఖ ఫిల్మ్ హీరో సత్యదేవ్ కంచరాన తదితరులు హాజరుకానున్నారు.