రూ.6,999కే 120 ఇంచుల స్క్రీన్.. భారత్‌లో రెండు చవకైన ప్రొజెక్టర్లు లాంచ్..

JC STUDIOX: భారత్‌లో JC STUDIOX, JC STUDIOX PRO పేర్లతో రెండు కొత్త ప్రొజెక్టర్లు లాంచ్ అయ్యాయి. వీటిని జస్ట్ క్రోసికా బ్రాండ్ మార్కెట్‌లోకి తీసుకొచ్చింది. ఈ బ్రాండ్ ఇప్పటికే స్పీకర్లు, మొబైల్ యాక్సెసరీస్ వంటి ఉత్పత్తులను విక్రయిస్తోంది.

ఈ రెండు ప్రొజెక్టర్లు 4K కంటెంట్‌కు సపోర్ట్ అందిస్తాయి. కంపెనీ వీటిని ప్రధానంగా హోమ్ ఎంటర్‌టైన్‌మెంట్ కోసం రూపొందించింది. JC STUDIOX (JST 830), JC STUDIOX PRO (JST 832) మోడల్ నంబర్లతో ఇవి అందుబాటులోకి వచ్చాయి. రెండు ప్రొజెక్టర్లు ఆండ్రాయిడ్ ప్లాట్‌ఫామ్‌పై పనిచేస్తాయి.

రెండు ప్రొజెక్టర్ల ధర ఎంత?

JC STUDIOX ధర రూ.6,999గా ఉంది. ఇక JC STUDIOX PRO ధర రూ.10,999గా నిర్ణయించారు. వీటిని కంపెనీ అధికారిక పోర్టల్‌తో పాటు Amazon India, Flipkart వంటి ప్లాట్‌ఫామ్‌ల ద్వారా కొనుగోలు చేయవచ్చు. రెండు ప్రొజెక్టర్లలోనూ Netflix, Prime Video, YouTube వంటి స్ట్రీమింగ్ సేవలకు సపోర్ట్ అందుబాటులో ఉంది.

JC STUDIOX ఫీచర్లు

JC STUDIOXను రోజువారీ హోమ్ ఎంటర్‌టైన్‌మెంట్ అవసరాల కోసం రూపొందించారు. ఇందులో HD ప్రొజెక్షన్ సదుపాయం ఉంది. వైర్‌లెస్ కనెక్టివిటీతో పాటు బిల్ట్-ఇన్ ఆడియో కూడా అందించారు.

ఈ ప్రొజెక్టర్ ద్వారా తెల్లటి గోడ లేదా స్క్రీన్‌పై 40 ఇంచుల నుంచి 120 ఇంచుల వరకు స్క్రీన్‌ను ప్రొజెక్ట్ చేసుకోవచ్చు.

ఇందులో ఆటో కీస్టోన్ కరెక్షన్ ఫీచర్ ఉంది. ప్రొజెక్టర్‌ను ఉంచిన యాంగిల్‌కు అనుగుణంగా స్క్రీన్‌ను సర్దుబాటు చేయడంలో ఈ ఫీచర్ సహాయపడుతుంది.

ఈ మోడల్ Android 11పై పనిచేస్తుంది. ఇందులో H713 Quad-Core ARM Cortex-A53 ప్రాసెసర్, 1GB RAM, 8GB ఇంటర్నల్ స్టోరేజ్ ఉన్నాయి.

కనెక్టివిటీ విషయానికి వస్తే 5GHz Wi-Fi, Bluetooth 5.4, వైర్‌లెస్ స్క్రీన్ మిర్రరింగ్ సపోర్ట్ ఉన్నాయి. ఆడియో కోసం 3W బిల్ట్-ఇన్ స్పీకర్ అందించారు. HDMI, USB, ఆడియో పోర్టులు కూడా ఉన్నాయి.

JC STUDIOX PRO ఫీచర్లు

JC STUDIOX PROలో Full HD నేటివ్ రిజల్యూషన్ సపోర్ట్ ఉంది. దీనిలో 350 ANSI ల్యూమెన్స్ బ్రైట్‌నెస్ అందించారు.

కంపెనీ ప్రకారం, ఈ ప్రొజెక్టర్ ద్వారా గోడ లేదా తెల్లటి స్క్రీన్‌పై 40 ఇంచుల నుంచి 130 ఇంచుల వరకు స్మార్ట్ స్క్రీన్‌ను రూపొందించుకోవచ్చు.

ఇందులో ఫోకస్ ఆటోమేటిక్‌గా అడ్జస్ట్ అయ్యే ఫీచర్‌తో పాటు కీస్టోన్ కరెక్షన్ సదుపాయం ఉంది. అలాగే 360 డిగ్రీల రొటేటింగ్ డిజైన్ అందించారు.

JC STUDIOX PRO Android 12పై పనిచేస్తుంది. ఇందులో 1GB RAM, 8GB ఇంటర్నల్ స్టోరేజ్ ఉన్నాయి. కనెక్టివిటీ కోసం Bluetooth 5.4, డ్యూయల్-బ్యాండ్ Wi-Fi, Wi-Fi 6 సపోర్ట్ లభిస్తుంది.

వైర్‌లెస్ స్క్రీన్ మిర్రరింగ్ సదుపాయం కూడా ఉంది. ఆడియో కోసం 3W బిల్ట్-ఇన్ స్పీకర్ అందించారు. HDMI, USB 2.0, ఆడియో కనెక్టివిటీ పోర్టులు ఉన్నాయి.