iPhone 16: ఐఫోన్ లవర్స్‌కు గుడ్‌న్యూస్.. రూ.77 వేల కంటే తక్కువ ధరకే సరికొత్త ఐఫోన్ 16

iPhone 16: ఎప్పటినుంచో ఆపిల్ ఐఫోన్ 16 కొనుగోలు చేయాలని కలలు కంటున్న టెక్కీలకు, మొబైల్ లవర్లకు ఇది చక్కటి అవకాశం. దీపావళి పర్వదినాన్ని పురస్కరించుకుని ప్రముఖ ఎలక్ట్రానిక్స్ రిటైల్ సంస్థ రిలయన్స్ డిజిటల్ నవంబర్ 7 నుంచి ప్రత్యేక మల్టీబ్యాంక్ ఆఫర్లను లాంచ్ చేసింది. ఈ సేల్‌లో భాగంగా కస్టమర్లు క్రెడిట్ కార్డుల ద్వారా కొనుగోళ్లు జరిపితే భారీగా ఇన్‌స్టంట్ డిస్కౌంట్లు లభిస్తాయి. దీనికి తోడు పాత స్మార్ట్‌ఫోన్‌ను ఎక్స్ఛేంజ్ చేసుకునే సదుపాయం ఉండటంతో సరికొత్త ఐఫోన్ ధర భారీగా తగ్గిపోనుంది.

రూ.77 వేల కంటే తక్కువ ధరకే ఐఫోన్ 16

భారత మార్కెట్లో ఆపిల్ ఐఫోన్ 16 (128GB) అసలు ధర రూ.89,900గా ఉంది. రిలయన్స్ డిజిటల్ అందిస్తున్న ప్రత్యేక ఆఫర్ల ప్రకారం రూ.50,000 నుంచి రూ.99,999 వరకు జరిగే కొనుగోళ్లపై రూ. 3,000 ఫ్లాట్ డిస్కౌంట్ వర్తిస్తుంది. కొన్ని రకాల క్రెడిట్ కార్డుల ద్వారా ఈఎంఐ పద్ధతిలో చెల్లింపులు చేస్తే మరో రూ.3,500 వరకు అదనపు తగ్గింపు లభిస్తుంది. ఈ ఆఫర్ నవంబర్ 11 వరకు మాత్రమే అందుబాటులో ఉంటుంది. అయితే నో-కాస్ట్ ఈఎంఐ నిబంధనలు వర్తించవని, సాధారణ వడ్డీ, జీఎస్టీ చెల్లించాల్సి ఉంటుందని గమనించాలి.

పాత ఫోన్ ఇస్తే రూ.20 వేల వరకు ఎక్స్ఛేంజ్ బోనస్

కేవలం బ్యాంక్ డిస్కౌంట్లు మాత్రమే కాకుండా, కంపెనీ పాత ఫోన్ల మార్పిడిపై రూ. 20,000 వరకు ఎక్స్ఛేంజ్ బోనస్ అందిస్తోంది. మీ వద్ద ఉన్న పాత స్మార్ట్‌ఫోన్‌ను స్వ్యాప్‌ఈజీ ద్వారా రీవాల్యూయేషన్ చేసి, సుమారు రూ. 10,000 వరకు విలువ దక్కితే.. ఈ తగ్గింపులతో కలిపి ఐఫోన్ 16 తుది ధర రూ.76,900కి పడిపోతుంది. అంతేకాకుండా ఆర్డర్ చేసిన రోజే సమీపంలోని స్టోర్ నుంచి నేరుగా ఫోన్‌ను తెచ్చుకునే సదుపాయం కూడా కల్పించారు.

అమెజాన్, ఫ్లిప్‌కార్ట్ ఆఫర్లతో పోలిస్తే రిలయన్స్ డీల్ ఎలా ఉంది?

ఆన్‌లైన్ షాపింగ్ దిగ్గజాలైన అమెజాన్‌లో ఐఫోన్ 16 బేస్ మోడల్ ధర సుమారు రూ.76,999 వరకు ఉండగా, ఫ్లిప్‌కార్ట్‌లో ఇది అప్పుడప్పుడు రూ.69,900 వరకు ట్రేడ్ అయింది. అయితే ఆన్‌లైన్ ప్లాట్‌ఫారమ్‌లలో ధరలు ఎప్పుడూ మారుతుంటాయి. ఆన్‌లైన్ డెలివరీ కోసం ఎదురుచూడకుండా, స్టోర్‌కి నేరుగా వెళ్లి ఫోన్ చెక్ చేసుకుని అదే రోజు ఇంటికి తీసుకెళ్లాలనుకునేవారికి రిలయన్స్ డిజిటల్ అందిస్తున్న ఈ ఆఫ్‌లైన్-కమ్-ఆన్‌లైన్ విధానం ఎంతో సౌకర్యంగా ఉంటుంది.

ఐఫోన్ 16 కొనుగోలుకు సరైన సమయం

పిక్సెల్ 10, గెలాక్సీ ఎస్25 ఎఫ్‌ఈ, ఐక్యూ నియో 9 ప్రో వంటి ఇతర బ్రాండ్ల ఫోన్లతో పోలిస్తే ఐఫోన్ 16 ప్రత్యేకంగా నిలవడానికి ప్రధాన కారణం దాని శక్తివంతమైన A18 చిప్‌సెట్. సింగిల్-కోర్ పనితీరులో ఇది అగ్రస్థానంలో ఉంది. ఐఓఎస్ సాఫ్ట్‌వేర్ అప్‌డేట్లు దీర్ఘకాలం పాటు లభించడం, భారతదేశంలో బలమైన రీసేల్ వాల్యూ ఉండటం దీని ప్రత్యేకతలు. నవంబర్ 11తో ఈ ఆఫర్ ముగియనున్నందున, ఐఫోన్ కొనుగోలు చేయాలనుకునే వారు ఈ అవకాశాన్ని సద్వినియోగం చేసుకోవచ్చు.