Redmi 17C Price: రెడ్‌మీ 17C vs పోకో M8x vs వన్‌ప్లస్ N6x.. ఏది బెస్ట్..?

Redmi 17C Price: రెడ్‌మీ 17C, పోకో M8x 5G, వన్‌ప్లస్ N6x మూడు ఫోన్లు ఒకే ధర విభాగంలో పోటీ పడుతున్నాయి. రెడ్‌మీ 17Cలో మీడియాటెక్ డైమెన్సిటీ 6300 5G చిప్‌సెట్, 4GB లేదా 6GB RAM, 128GB స్టోరేజ్ ఉన్నాయి. దీని ధర 4GB+128GB వేరియంట్‌కు రూ.20,999, 6GB+128GB మోడల్‌కు రూ.22,999గా ఉంది.

పోకో M8x 5G కూడా ఇదే ధరతో ప్రారంభమవుతుంది. 4GB+128GB ధర రూ.20,999 కాగా, 6GB+128GB ధర రూ.22,999. ఇందులో స్నాప్ డ్రాగన్ 4 Gen 5 చిప్‌సెట్, 7,900mAh బ్యాటరీ ఉన్నాయి. 45W వైర్డ్ ఛార్జింగ్, 22.5W రివర్స్ ఛార్జింగ్ సపోర్ట్ లభిస్తుంది.

వన్‌ప్లస్ N6x మాత్రం ఈ మూడింటిలో తక్కువ ప్రారంభ ధరను కలిగి ఉంది. 4GB+64GB మోడల్ రూ.18,999, 4GB+128GB వేరియంట్ రూ.20,999. ఇందులో మీడియాటెక్ డైమెన్సీటి 6360 Apex ప్రాసెసర్, 7,000mAh బ్యాటరీ, 15W వైర్డ్ ఛార్జింగ్ ఉన్నాయి.

డిస్‌ప్లే పరంగా రెడ్‌మీ 17C, పోకో M8x 5Gలో 6.9 అంగుళాల HD+ LCD స్క్రీన్, 120Hz రిఫ్రెష్ రేట్ ఉన్నాయి. వన్‌ప్లస్ N6xలో 6.8 అంగుళాల HD+ LCD డిస్‌ప్లే, 120Hz రిఫ్రెష్ రేట్ ఉంది. మూడు ఫోన్లకు IP64 రేటింగ్ ఉంది.

కెమెరాల విషయానికి వస్తే రెడ్‌మీ 17C, పోకో M8x 5Gలో 50MP ప్రధాన వెనుక కెమెరా ఉంది. వన్‌ప్లస్ N6xలో 13MP వెనుక కెమెరా ఉంది. బ్యాటరీ, వేగవంతమైన ఛార్జింగ్ ప్రాధాన్యమైతే పోకో M8x 5G ఆకర్షణీయంగా కనిపిస్తుంది. సమతుల్య స్పెక్స్ కోరుకునేవారికి రెడ్‌మీ 17C, తక్కువ ప్రారంభ ధర కోరుకునేవారికి వన్‌ప్లస్ N6x ప్రత్యామ్నాయాలుగా నిలుస్తాయి.