Realme P4s Lite: భారత్‌లో రియల్‌మీ పీ4ఎస్ లైట్ స్మార్ట్‌‌ఫోన్.. ఫీచర్లు చూస్తే ఫిదానే..!

Realme P4s Lite: భారత మార్కెట్లో రియల్‌మీ సంస్థ తన పీ4 సిరీస్‌ను విస్తరిస్తూ కొత్తగా 'రియల్‌మీ పీ4ఎస్ లైట్' స్మార్ట్‌ఫోన్‌ను విడుదల చేసింది. కంపెనీ అధికారిక ఇండియా వెబ్‌సైట్ ద్వారా ఈ ఫోన్ ధర, పూర్తి వివరాలను వెల్లడించారు. ఈ కొత్త ఫోన్ ధర విషయానికి వస్తే, 4జీబీ ర్యామ్, 64జీబీ స్టోరేజ్ వేరియంట్ రూ. 16,499గా ఉండగా, 4జీబీ ర్యామ్, 128జీబీ స్టోరేజ్ మోడల్ ధర రూ. 18,499గా నిర్ణయించారు. ఈ హ్యాండ్‌సెట్ నెబులా బ్లాక్, మూన్‌లైట్ సిల్వర్ రంగుల్లో లభిస్తుంది. అక్టోబర్ 8 నుంచి దేశంలో ఈ ఫోన్ విక్రయాలు ప్రారంభం కానున్నాయి.

ఫీచర్ల పరంగా, ఈ ఫోన్ 120Hz రిఫ్రెష్ రేట్ కలిగిన 6.75-అంగుళాల హెచ్‌డీ ప్లస్ ఎల్‌సీడీ డిస్‌ప్లేను కలిగి ఉంది. పాండా గ్లాస్ ప్రొటెక్షన్‌తో పాటు గరిష్టంగా 900 నిట్స్ బ్రైట్‌నెస్ అందిస్తుంది. పనితీరు కోసం ఇది యూనిసోక్ టీ7250 చిప్‌సెట్‌తో పనిచేస్తుంది. గూగుల్ జెమిని సపోర్ట్ ఉన్నట్లు కంపెనీ తెలిపింది. ఫోటోగ్రఫీ కోసం ఆటోఫోకస్ కలిగిన 13 మెగాపిక్సెల్ వెనుక కెమెరా, ముందు భాగంలో 5 మెగాపిక్సెల్ సెల్ఫీ కెమెరాను అమర్చారు. అయితే ఈ ఫోన్ 5జీ నెట్‌వర్క్‌కు సపోర్ట్ చేయదు.

ఈ డివైజ్‌లో ప్రధాన ఆకర్షణగా నిలిచే అంశం దీని భారీ బ్యాటరీ. ఇందులో 15W ఛార్జింగ్ సపోర్ట్ కలిగిన 7,000mAh బ్యాటరీని పొందుపరిచారు. ఇది ఆరు సంవత్సరాల బ్యాటరీ ఆరోగ్యం, రివర్స్ ఛార్జింగ్ సపోర్ట్ ఇస్తుంది. భద్రత కోసం సైడ్-మౌంటెడ్ ఫింగర్ ప్రింట్ సెన్సార్, ఫేస్ అన్‌‌లాక్ ఉన్నాయి. డస్ట్, వాటర్ రెసిస్టెన్స్ కోసం ఐపీ64 రేటింగ్‌తో పాటు మిలటరీ-గ్రేడ్ షాక్ రెసిస్టెన్స్ కలిగి ఉంది.