Oppo Reno 17: విడుదలకు సిద్ధమైన ఒప్పో రెనో 17 సిరీస్.. టీజర్ తోనే ఇచ్చిపడేశారుగా..!

Oppo Reno 17 Series: చైనాలో తన ప్రోడక్ట్ లైనప్‌ను విస్తరించేందుకు ఒప్పో సిద్ధమవుతోంది. రాబోయే వారాల్లో రెనో 17 సిరీస్‌తో పాటు మరికొన్ని డివైజ్‌లు మార్కెట్లోకి రానున్నాయి. కంపెనీ ఇప్పటికే ఈ స్మార్ట్‌ఫోన్లకు ప్రీ-ఆర్డర్లు ప్రారంభించింది. అలాగే తన చైనీస్ వెబ్‌సైట్‌లో ఒప్పో ప్యాడ్ ఎయిర్ 6, ఒప్పో వాచ్ 5లను టీజ్ చేసింది. ఈ మూడు ప్రోడక్ట్‌ల పూర్తి స్పెసిఫికేషన్లు, లాంచ్ తేదీలను ఒప్పో ఇంకా అధికారికంగా వెల్లడించలేదు. అయితే రెనో 17 ప్రో ఫీచర్లపై ఇటీవల ఒక రిపోర్ట్ కొంత సమాచారం ఇచ్చింది.

రెనో 17 సిరీస్ లాంచ్ వివరాలు..

చైనాలో రెనో 17 సిరీస్‌కు ప్రీ-ఆర్డర్లు మొదలయ్యాయి. ఈ ఫోన్లు నవంబర్‌లో లాంచ్ అవుతాయని ఒప్పో తన వీబో (Weibo) పోస్ట్‌లో ధృవీకరించింది. ముందుగా ఆర్డర్ చేసిన కస్టమర్లకు సర్‌ప్రైజ్ గిఫ్ట్‌లు కూడా లభించే అవకాశం ఉంది.

టీజర్ ఇమేజ్‌లో రెనో 17 సిరీస్ మోడల్ కర్వ్డ్ డిస్‌ప్లే, సన్నని బెజెల్స్, గుండ్రటి మూలలతో కనిపిస్తోంది. పవర్, వాల్యూమ్ బటన్లు కుడి వైపు అంచున ఉన్నాయి. ఫోన్ వెనుక డిజైన్‌ను మాత్రం కంపెనీ ఇంకా రహస్యంగానే ఉంచింది.

ప్యాడ్ ఎయిర్ 6, వాచ్ 5 కూడా..

ఒప్పో ప్యాడ్ ఎయిర్ 6, ఒప్పో వాచ్ 5 కూడా కంపెనీ చైనీస్ వెబ్‌సైట్‌లో కనిపించాయి. దీన్ని బట్టి ఈ రెండు ప్రోడక్ట్‌లు కూడా రెనో 17 సిరీస్‌తో పాటే అనౌన్స్ అయ్యే అవకాశం ఉంది. అయితే వీటి లాంచ్ తేదీ, ఫీచర్ల గురించి ఒప్పో ఇంకా ఎలాంటి సమాచారం ఇవ్వలేదు.

రెనో 17 ప్రో అంచనా స్పెసిఫికేషన్లు..

రెనో 17 లైనప్‌లో ప్రో వేరియంట్ ఉండే అవకాశం ఉంది. లీక్‌ల ప్రకారం రెనో 17 ప్రోలో ఉండవచ్చని భావిస్తున్న ఫీచర్లు:

డిస్‌ప్లే: 6.32 అంగుళాల 1.5K ఫ్లాట్ OLED

ప్రాసెసర్: మీడియాటెక్ డైమెన్సిటీ 8550

వెనుక కెమెరాలు: ట్రిపుల్ సెటప్. 200 మెగాపిక్సెల్ ప్రైమరీ సెన్సార్, అల్ట్రా-వైడ్, టెలిఫోటో షాట్ల కోసం రెండు 50 మెగాపిక్సెల్ కెమెరాలు

సెల్ఫీ కెమెరా: 50 మెగాపిక్సెల్

బ్యాటరీ: 7,000mAh, 80W వైర్డ్ ఛార్జింగ్

ఇతర ఫీచర్లు: మెటల్ ఫ్రేమ్, IP69 డస్ట్ అండ్ వాటర్ రెసిస్టెన్స్

భారత్‌లో లాంచ్ ఎప్పుడు?

భారత్‌కు ఒప్పో కేవలం రెనో 17, రెనో 17c మోడళ్లను మాత్రమే తీసుకువస్తుందని ఒక టిప్‌స్టర్ ఇటీవల సూచించాడు. ఇందులో రెనో 17లో స్నాప్‌డ్రాగన్ 7 Gen 4 చిప్‌సెట్, రెనో 17cలో డైమెన్సిటీ 7300 చిప్‌సెట్ ఉండవచ్చని చెప్పాడు. స్టాండర్డ్ రెనో 17 5G థాయ్‌లాండ్ NBTC వెబ్‌సైట్‌లో CPH2975 మోడల్ నంబర్‌తో కనిపించింది.

ఈ సిరీస్ ఆండ్రాయిడ్ 17 ఆధారిత ColorOS 17తో వచ్చే అవకాశం ఉంది. భారత్‌లో 2027 జనవరి ప్రారంభంలో లాంచ్ అవ్వవచ్చని అంచనా.