iQOO 16 వచ్చేసింది.. 8,400mAh బ్యాటరీతో గేమింగ్ రచ్చ

ఐకూ తన కొత్త ఫ్లాగ్‌షిప్ స్మార్ట్‌ఫోన్ iQOO 16ను చైనాలో అధికారికంగా లాంచ్ చేసింది. గేమింగ్ పనితీరు, డిస్‌ప్లే, కెమెరా, థర్మల్ మేనేజ్‌మెంట్‌తో పాటు భారీ బ్యాటరీపై కంపెనీ ప్రత్యేకంగా ఫోకస్ చేసింది. 2nm స్నాప్‌డ్రాగన్ చిప్‌సెట్, 165Hz 2K+ AMOLED డిస్‌ప్లే, 8,400mAh బ్యాటరీ, 50MP ట్రిపుల్ కెమెరా సెటప్ వంటి ఫీచర్లతో ఈ ఫోన్‌ను తీసుకొచ్చింది.

50MP ట్రిపుల్ కెమెరా

iQOO 16 వెనుక భాగంలో ట్రిపుల్ కెమెరా సెటప్ ఉంది. ఇందులో 50MP మెయిన్ కెమెరాను 1/1.3 అంగుళాల పెద్ద సెన్సార్, f/1.68 అపెర్చర్, OISతో అందించారు. గత తరం హై-ఎండ్ బెంచ్‌మార్క్‌తో పోలిస్తే లైట్ ఇన్‌టేక్ 79 శాతం పెరిగిందని కంపెనీ చెబుతోంది. దీనికి జతగా 50MP అల్ట్రా-వైడ్ కెమెరా, 50MP 3X పెరిస్కోప్ టెలిఫోటో కెమెరా ఉన్నాయి. పెరిస్కోప్ కెమెరాలో 1/1.95 అంగుళాల సోనీ సెన్సార్, OIS, f/2.65 అపెర్చర్ ఉన్నాయి. సెల్ఫీలు, వీడియో కాల్స్ కోసం ముందు భాగంలో 32MP కెమెరాను ఇచ్చారు. కెమెరా సిస్టమ్‌లో NICE 3.0 ఆప్టికల్ రీకన్‌స్ట్రక్షన్ ఇంజిన్, సూపర్ లైట్ అండ్ షాడో HDR సాఫ్ట్‌వేర్ ఉన్నాయి. దీంతో పాటు 4K అల్ట్రా HD లైవ్ ఫొటో ఫీచర్ కూడా అందుబాటులో ఉంది.

8,400mAh భారీ బ్యాటరీ

ఫోన్‌లో 8,400mAh బ్లూ ఓషన్ బ్యాటరీ ఉంది. ఇది 100W వైర్డ్ ఫాస్ట్ ఛార్జింగ్, 40W వైర్‌లెస్ ఛార్జింగ్‌కు సపోర్ట్ చేస్తుంది. గేమింగ్ సమయంలో బ్యాటరీని బైపాస్ చేసి నేరుగా పవర్ అందించే డైరెక్ట్-డ్రైవ్ పవర్ సప్లై ఫీచర్ కూడా ఉంది. సాఫ్ట్‌వేర్ పరంగా ఆండ్రాయిడ్ 17 ఆధారిత OriginOS 7పై ఫోన్ పనిచేస్తుంది.

165Hz 2K+ డిస్‌ప్లే

iQOO 16లో 6.85 అంగుళాల 2K+ శామ్‌సంగ్ M16 LTPO AMOLED డిస్‌ప్లే ఉంది. ఇది 3168×1440 పిక్సెల్స్ రిజల్యూషన్, 165Hz వేరియబుల్ రిఫ్రెష్ రేట్‌తో వస్తుంది. HDR10+, డాల్బీ విజన్, DCI-P3 కలర్ గ్యామట్, 1.07 బిలియన్ కలర్స్‌కు కూడా సపోర్ట్ ఉంది. బ్రైట్‌నెస్ విషయానికి వస్తే గరిష్ఠంగా 2,800 నిట్స్ HBM బ్రైట్‌నెస్, లోకల్ పీక్ బ్రైట్‌నెస్ 10,000 నిట్స్ వరకు అందిస్తుంది. కంటి రక్షణ కోసం DC డిమ్మింగ్, 3,300Hz హై-ఫ్రీక్వెన్సీ PWM డిమ్మింగ్ వంటి ఫీచర్లను కూడా అందించారు.

2nm స్నాప్‌డ్రాగన్ చిప్

పనితీరు కోసం iQOO 16లో 2nm ప్రాసెస్‌పై తయారైన స్నాప్‌డ్రాగన్ 8 ఎలైట్ ఎక్స్‌ట్రీమ్ జెన్ 6 మొబైల్ ప్లాట్‌ఫామ్‌ను ఉపయోగించారు. దీనికి అడ్రినో 850 GPUతో పాటు ప్రత్యేకమైన Q4 గేమింగ్ చిప్ జతగా ఉంది. కంపెనీ ప్రకారం, ఈ ఫోన్ AnTuTu బెంచ్‌మార్క్‌లో సుమారు 55.7 లక్షల పాయింట్ల స్కోర్ సాధించింది.

హీట్ కంట్రోల్‌కు ప్రత్యేక సిస్టమ్

పవర్‌ఫుల్ ప్రాసెసర్‌తో పాటు గేమింగ్ సమయంలో ఉష్ణోగ్రతలను నియంత్రించేందుకు ఫోన్‌లో 8,500 చదరపు మిల్లీమీటర్ల 3D వేపర్ ఛాంబర్ను అందించారు. దీనికి 29,453 చదరపు మిల్లీమీటర్ల మొత్తం విస్తీర్ణం కలిగిన మూడు-లేయర్ గ్రాఫైట్ సిస్టమ్ కూడా ఉంది. దీంతో ఎక్కువసేపు గేమింగ్ చేసినప్పుడు థర్మల్ మేనేజ్‌మెంట్‌పై ఫోకస్ చేసినట్లు తెలుస్తోంది.

గేమర్ల కోసం Q4 చిప్

Q4 గేమింగ్ చిప్‌లో ఫుల్-సీన్ రే ట్రేసింగ్, QNSS సూపర్-రెండరింగ్ ఇంజిన్ వంటి ఫీచర్లు ఉన్నాయి. ఆరు ప్రముఖ గేమ్స్‌లో 2K రిజల్యూషన్‌తో 165fps ఫ్రేమ్ ఇంటర్‌పొలేషన్‌ను ఉపయోగించవచ్చు. 11 గేమ్స్‌లో నేటివ్ QNSS రెండరింగ్, 13 గేమ్స్‌లో 2K సూపర్-రిజల్యూషన్, వందలాది గేమ్స్‌లో 165fps మోడ్‌కు సపోర్ట్ ఉంది. దీనికి అదనంగా 8K గేమింగ్ కెమెరా పైప్‌లైన్, లైవ్ బ్రాడ్‌కాస్ట్ అసిస్టెంట్ వంటి ఫీచర్లను కూడా అందించారు. గేమింగ్‌పై ఎక్కువగా ఫోకస్ చేసే యూజర్లను టార్గెట్ చేసేలా హార్డ్‌వేర్, సాఫ్ట్‌వేర్ రెండింటినీ ఐకూ రూపొందించింది.

డిజైన్, కలర్ ఆప్షన్స్

డిజైన్ పరంగా iQOO 16 వెనుక భాగంలో ఫ్లోటింగ్ స్టైల్ కెమెరా మాడ్యూల్‌ను అందించారు. ఇందులో మూడు కెమెరాలను త్రిభుజాకార అమరికలో ఏర్పాటు చేశారు. ఈ ఫోన్ లైట్ చేజర్, రేసింగ్ ట్రాక్, లెజెండ్ అనే మూడు కలర్ ఆప్షన్లలో లభిస్తుంది.

భారీ ర్యామ్, స్టోరేజ్

iQOO 16లో 12GB, 16GB LPDDR5X Ultra ర్యామ్ వేరియంట్లు ఉన్నాయి. స్టోరేజ్ విషయానికి వస్తే 256GB, 512GB, 1TB UFS 4.1 ఆప్షన్లు అందించారు. ఒకే స్క్రీన్‌పై ఐదు యాప్స్‌ను ఒకేసారి ఉపయోగించుకునేలా ‘అటామిక్ వర్క్ బెంచ్’ ఫీచర్‌ను కూడా ఇచ్చారు. సెక్యూరిటీ కోసం ఇన్-డిస్‌ప్లే 3D అల్ట్రాసోనిక్ ఫింగర్‌ప్రింట్ సెన్సార్ ఉంది. కనెక్టివిటీ పరంగా 5G, Wi-Fi 7, బ్లూటూత్ 5.4, NFC సపోర్ట్ ఉన్నాయి. USB Type-C 3.2 Gen 1 పోర్ట్‌తో పాటు IP68, IP69 వాటర్ అండ్ డస్ట్ రెసిస్టెన్స్ రేటింగ్ కూడా లభిస్తుంది.

iQOO 16 ధర

చైనాలో iQOO 16 ధరలు వేరియంట్‌ను బట్టి ఇలా ఉన్నాయి. 12GB + 256GB వేరియంట్ ధర 5,999 యువాన్లు, 12GB + 512GB మోడల్ 6,799 యువాన్లు, 16GB + 512GB వేరియంట్ 7,499 యువాన్లు, టాప్-ఎండ్ 16GB + 1TB మోడల్ 8,499 యువాన్లుగా కంపెనీ నిర్ణయించింది. మొత్తంగా చూస్తే భారీ 8,400mAh బ్యాటరీ, 165Hz 2K+ డిస్‌ప్లే, 2nm ఫ్లాగ్‌షిప్ చిప్, ప్రత్యేక గేమింగ్ చిప్, ట్రిపుల్ 50MP కెమెరాలు, అధునాతన కూలింగ్ సిస్టమ్‌తో iQOO 16ను గేమింగ్‌తో పాటు హై-ఎండ్ పనితీరును కోరుకునే యూజర్ల కోసం రూపొందించిన ఫ్లాగ్‌షిప్‌గా చెప్పొచ్చు.