గూగుల్ నుంచి అదిరిపోయే వాచ్ వచ్చేసింది.. ఫీచర్లు చూస్తే ఫిదా అయిపోవాల్సిందే..!

Google Fitbit Edge: గూగుల్ తన లేటెస్ట్ ఫిట్‌నెస్ ట్రాకర్‌గా సోమవారం నాడు 'ఫిట్‌బిట్ ఎడ్జ్' (Fitbit Edge)ను లాంచ్ చేసింది. కాలిఫోర్నియాలోని మౌంటైన్ వ్యూ కేంద్రంగా పనిచేస్తున్న ఈ టెక్ దిగ్గజం, తమ కొత్త డివైజ్ తేలికపాటి ఫిట్‌నెస్ బ్యాండ్ డిజైన్‌ను సాధారణ స్మార్ట్‌వాచ్ ఫీచర్లతో మిళితం చేస్తుందని తెలిపింది. స్క్రీన్ లేని ట్రాకర్‌గా ఇటీవల వచ్చిన ఫిట్‌బిట్ ఎయిర్‌లా కాకుండా, ఫిట్‌బిట్ ఎడ్జ్ ఎల్లప్పుడూ ఆన్‌లో ఉండే (always-on display) ఫంక్షనాలిటీతో కూడిన 1.34-అంగుళాల AMOLED స్క్రీన్‌ను కలిగి ఉంది. అలాగే ఇందులో బిల్ట్-ఇన్ GPS మరియు పలురకాల హెల్త్, ఫిట్‌నెస్ ట్రాకింగ్ సెన్సార్లు ఉన్నాయి. ఈ ఫిట్‌బిట్ ఎడ్జ్ ఒక్కసారి ఛార్జ్ చేస్తే 7 రోజుల వరకు బ్యాటరీ లైఫ్ ఇస్తుందని కంపెనీ పేర్కొంది.

ఫిట్‌బిట్ ఎడ్జ్ ధర..

గూగుల్ ఫిట్‌బిట్ ఎడ్జ్ ధర $179.99 (సుమారు రూ. 17,200) నుంచి ప్రారంభమవుతుంది. ఇది చిన్న, పెద్ద సిలికాన్ యాక్టివ్ బ్యాండ్లతో వస్తుంది. నాలుగు రంగుల ఆప్షన్లలో లభిస్తుంది - మ్యాట్ బ్లాక్ అల్యూమినియం (అబ్సిడియన్ బ్యాండ్‌తో), సాటిన్ సిల్వర్ అల్యూమినియం (ఫాగ్ బ్యాండ్‌తో), సాటిన్ పైరైట్ అల్యూమినియం (ఆలివ్ బ్యాండ్‌తో), షాంపైన్ గోల్డ్ (కన్యన్ బ్యాండ్‌తో).

ఈ టెక్ దిగ్గజం ఫిట్‌బిట్ ఎడ్జ్‌లో 'స్టీఫెన్ కర్రీ స్పెషల్ ఎడిషన్'ను కూడా పరిచయం చేసింది. దీని ధర $219.99 (సుమారు రూ. 21,000). ఇది సాటిన్ పైరైట్ అల్యూమినియం కేస్‌తో పాటు, వాటర్ రెసిస్టెంట్ రీసైక్లైడ్ పాలిస్టర్ బ్యాండ్, సిగ్నేచర్ కలర్ యాసెంట్స్‌తో వస్తుంది.

ఫిట్‌బిట్ ఎడ్జ్ గూగుల్ స్టోర్, అధికారిక రిటైల్ భాగస్వాముల ద్వారా ప్రీ-ఆర్డర్ చేయడానికి అందుబాటులో ఉంది. ఇది అక్టోబర్ 27 నుంచి సాధారణ విక్రయానికి రానుంది.

ఫిట్‌బిట్ ఎడ్జ్ ఫీచర్లు, ప్రత్యేకతలు..

ఫిట్‌బిట్ ఎడ్జ్ ఎల్లప్పుడూ ఆన్‌లో ఉండే ఫంక్షనాలిటీతో 1.34-అంగుళాల AMOLED డిస్‌ప్లేను కలిగి ఉంది. మునుపటి తరం ఫిట్‌బిట్ ట్రాకర్లతో పోలిస్తే ఈ స్క్రీన్ 46 శాతం ఎక్కువ వ్యూయింగ్ ఏరిటాను అందిస్తుందని గూగుల్ తెలిపింది. వర్కౌట్‌లను పాజ్ చేయడం, రెజ్యుమ్ చేయడం వంటి విధులను నియంత్రించడానికి వినియోగదారులను అనుమతించే ఫిజికల్ సైడ్ బటన్ కూడా ఇందులో ఉంది.

ఇది అంబిక్ AP5 మైక్రోకంట్రోలర్‌పై పనిచేస్తుంది. 64MB NOR ఫ్లాష్ స్టోరేజ్‌ను కలిగి ఉంది. ఇది బ్లూటూత్ 5.4 కనెక్టివిటీకి మద్దతు ఇస్తుంది. కనెక్ట్ చేసిన ఫోన్ లేకుండా రూట్ ట్రాకింగ్ కోసం బిల్ట్-ఇన్ GPS, గెలీలియో శాటిలైట్ పొజిషనింగ్‌ను కలిగి ఉంది.

యాక్టివిటీ ట్రాకింగ్ కోసం, ఫిట్‌బిట్ ఎడ్జ్ 40కి పైగా స్పోర్ట్ మోడ్‌లకు మద్దతు ఇస్తుంది. రన్నింగ్, మెట్లు ఎక్కడం వంటి కార్యకలాపాల సమయంలో ఎలివేషన్ మార్పులను ట్రాక్ చేయడానికి ఆటోమేటిక్ యాక్టివిటీ రికగ్నిషన్, ఆన్‌బోర్డ్ ఆల్టిమీటర్ ఇందులో ఉన్నాయి. అలాగే ఇది కార్డియో లోడ్, డైలీ రెడీనెస్, VO2 మాక్స్, యాక్టివ్ జోన్ నిమిషాలు, హార్ట్ రేట్‌ను ట్రాక్ చేస్తుంది.

ఫిట్‌బిట్ ఎడ్జ్ ఆప్టికల్ హార్ట్ రేట్ మానిటరింగ్, ECG సెన్సార్, బ్లడ్ ఆక్సిజన్ సాచురేషన్ (SpO2) ట్రాకింగ్, స్కిన్ టెంపరేచర్ మానిటరింగ్, యాక్సిలరోమీటర్, గైరోస్కోప్, యాంబియంట్ లైట్ సెన్సార్‌తో వస్తుంది. ఏట్రియల్ ఫైబ్రిలేషన్ (AFib) సంకేతాల కోసం ఆన్-రిస్ట్ ECG యాప్ ద్వారా ఆన్-డిమాండ్ ఎలక్ట్రోకార్డియోగ్రామ్‌లను (ECG) తీసుకోవచ్చని కంపెనీ తెలిపింది. ఈ ట్రాకర్ క్రమరహిత హార్ట్ రిథమ్ నోటిఫికేషన్లు, స్లీప్-స్టేజ్ అనాలిసిస్, హార్ట్ రేట్ వేరియబిలిటీ (HRV) ట్రాకింగ్‌కు కూడా మద్దతు ఇస్తుంది.

రోజువారీ వాడకం కోసం, ఫిట్‌బిట్ ఎడ్జ్ స్మార్ట్‌ఫోన్ నోటిఫికేషన్‌లను మిర్రర్ చేయగలదు, అనుకూల ప్లాట్‌ఫారమ్‌లలో త్వరిత టెక్స్ట్ రిప్లైలను అందించగలదు. మీడియా ప్లేబ్యాక్ కంట్రోల్స్, అలారాలు, టైమర్‌లు, బేసిక్ గూగుల్ మ్యాప్స్ మార్గదర్శకత్వాన్ని అందిస్తుంది.

ఫిట్‌బిట్ ఎడ్జ్ రీప్లేస్ చేయగల 65mAh లిథియం-అయాన్ బ్యాటరీని కలిగి ఉంది, ఇది పూర్తి ఛార్జ్‌పై ఏడు రోజుల వరకు బ్యాటరీ లైఫ్‌ను ఇస్తుందని గూగుల్ పేర్కొంది. పూర్తి ఛార్జ్ కావడానికి దాదాపు 90 నిమిషాలు పడుతుంది. అదే ఐదు నిమిషాల క్విక్ ఛార్జ్‌తో 24 గంటల పాటు వాడవచ్చు. వాటర్, డస్ట్ రెసిస్టెన్స్ కోసం ఫిట్‌బిట్ ఎడ్జ్ 5 ATM, IP68 రేటింగ్‌ను కలిగి ఉంది. దీనివల్ల 50 మీటర్ల లోతు వరకు ఈత కొట్టేందుకు ఉపయోగించవచ్చు.