ఎక్కువ కాలం వాడాలంటే ఇవే బెస్ట్ ఫోన్లు.. 7 ఏళ్ల వరకు అప్‌డేట్స్ పక్కా..!

Best Phones India: స్మార్ట్‌ఫోన్‌ను మూడు, నాలుగు ఏళ్లు లేదా అంతకంటే ఎక్కువ కాలం ఉపయోగించాలనుకునేవారికి సాఫ్ట్‌వేర్‌ సపోర్ట్‌ కీలకంగా మారింది. ప్రస్తుతం కొన్ని కంపెనీలు ఏడు ఏళ్ల వరకు ఆపరేటింగ్ సిస్టమ్‌ అప్‌డేట్స్‌, సెక్యూరిటీ అప్‌డేట్స్‌ అందిస్తున్నాయి. ఈ విభాగంలో విభిన్న ధరలలో పలు ఫోన్లు ఉన్నాయి.

గూగుల్‌ పిక్సెల్‌ 11 ప్రో ఫోల్డ్‌ (Google Pixel 11 Pro Fold) ఈ జాబితాలో ప్రీమియం మోడల్‌. దీనికి ఏడు ఏళ్ల OS అప్‌డేట్స్‌, ఏడు ఏళ్ల సెక్యూరిటీ మెయింటెనెన్స్‌ రిలీజ్‌లు లభిస్తాయి. Android 17తో వస్తున్న ఈ ఫోన్‌లో 6.5 అంగుళాల కవర్‌ OLED డిస్‌ప్లే, 8 అంగుళాల ఫోల్డబుల్‌ LTPO OLED స్క్రీన్‌ ఉన్నాయి. దీని ధర రూ.1,86,999.

ఆపిల్‌ ఐఫోన్‌ 17 (Apple iPhone 17) కూడా దీర్ఘకాలిక వినియోగానికి పరిశీలించదగిన మోడల్‌. ఆపిల్‌ సాధారణంగా చాలా ఏళ్ల పాటు సాఫ్ట్‌వేర్‌, సెక్యూరిటీ అప్‌డేట్స్‌ అందిస్తుంది. ప్రస్తుతం దీని ధర రూ.99,999. ఇందులో A19 చిప్‌, 6.3 అంగుళాల LTPO OLED డిస్‌ప్లే ఉన్నాయి.

సామ్‌సంగ్‌ గెలాక్సీ S26 (Samsung Galaxy S26)కు ఏడు ఏళ్ల OS అప్‌డేట్స్‌, ఏడు ఏళ్ల సెక్యూరిటీ అప్‌డేట్స్‌ లభిస్తాయి. IP68 రేటింగ్‌, 4,300mAh బ్యాటరీతో వస్తుంది. దీని ప్రారంభ ధర రూ.94,999.

రూ.60,000లోపు గూగుల్‌ పిక్సెల్‌ 10a (Google Pixel 10a) మరో ఎంపిక. దీనికి ఏడు ఏళ్ల సాఫ్ట్‌వేర్‌ సపోర్ట్‌ ఉంది. 5,100mAh బ్యాటరీతో వస్తుంది. ధర రూ.55,999. తక్కువ బడ్జెట్‌లో సామ్‌సంగ్‌ గెలాక్సీ A27 (Samsung Galaxy A27) ఉంది. దీనికి ఆరు ఏళ్ల OS, సెక్యూరిటీ అప్‌డేట్స్‌ అందుతాయి. ధర రూ.33,999 నుంచి ప్రారంభమవుతుంది.