ఐఫోన్ తో ఇక పనిలేదు.. కళ్లద్దాలతోనే అన్ని స్మార్ట్ గా చేసేయోచ్చు..!
Apple Smart Glasses: ఫోన్ జేబులోనే ఉండనివ్వండి! కళ్లద్దాలకే చెప్పండి.. అది క్యాబ్ బుక్ చేస్తుంది, దారి చూపిస్తుంది, రెస్టారెంట్లో టేబుల్ రిజర్వ్ చేస్తుంది!
ఐఫోన్ తో ఇక పనిలేదు.. కళ్లద్దాలతోనే అన్ని స్మార్ట్ గా చేసేయోచ్చు..!
Apple Smart Glasses: ఫోన్ జేబులోనే ఉండనివ్వండి! కళ్లద్దాలకే చెప్పండి.. అది క్యాబ్ బుక్ చేస్తుంది, దారి చూపిస్తుంది, రెస్టారెంట్లో టేబుల్ రిజర్వ్ చేస్తుంది! భారీ విజన్ ప్రోతో తడబడ్డ యాపిల్ ఇప్పుడు తేలికపాటి సిరి ఏఐ స్మార్ట్ గ్లాసెస్తో రింగ్లోకి దిగుతోంది. 2027లో మెటాకు సవాల్ విసరబోతున్న ఈ N50 ప్రాజెక్ట్ కథేంటో చూద్దాం.
గ్రౌండ్ మార్చిన యాపిల్..! హెవీ హెల్మెట్ కాదు, లైట్ వెయిట్ గ్లాసెస్..!
ఏ ఆటలోనైనా సీనియర్ ఆటగాడు వ్యూహం మార్చినట్లు యాపిల్ కూడా వ్యూహం మార్చింది. భారీ విజన్ ప్రో మిక్స్డ్ రియాలిటీ హెడ్సెట్ అనుకున్నంత పాపులర్ కాలేదు. బరువు ఎక్కువ, ధర ఎక్కువ.. ప్రేక్షకులు కనెక్ట్ కాలేదు.
దీంతో యాపిల్ ఇప్పుడు టెస్ట్ మ్యాచ్ వదిలి టీ20 ఫార్మాట్కు వచ్చినట్లు.. తేలికైన, రోజూ పెట్టుకునే స్మార్ట్ గ్లాసెస్ పై ఫోకస్ పెట్టింది. బ్లూంబర్గ్ సీనియర్ జర్నలిస్ట్ మార్క్ గుర్మన్ రిపోర్ట్ ప్రకారం ఈ ప్రాజెక్ట్ కోడ్ నేమ్ N50. హార్డ్వేర్ డిజైన్ దాదాపు ఫైనల్ అయింది, ఇప్పుడు ఏఐ, సాఫ్ట్వేర్పై తుది మెరుగులు దిద్దుతున్నారు.
సమాచారం ప్రకారం జూన్ 2027 WWDC ఈవెంట్లో దీన్ని చూపించి, 2027 చివరికల్లా మార్కెట్లోకి తీసుకురావాలని యాపిల్ ప్లాన్. నేరుగా మెటా రే బాన్ స్మార్ట్ గ్లాసెస్ తోనే ఢీ!
ఫోన్ తీయక్కర్లేదు! చెప్తే చాలు సిరి చేసేస్తుంది..!
ఊహించుకోండి! రోడ్డుపై నడుస్తున్నారు, ఎదురుగా ఓ చారిత్రక కట్టడం కనిపించింది. ఫోన్ తీసి గూగుల్ చేయక్కర్లేదు. అద్దాలతోనే — "ఏయ్ సిరి, ఇది ఏ బిల్డింగ్?" అని అడిగితే చాలు. అద్దాల్లోని కెమెరా చూస్తుంది, సిరి సమాధానం చెబుతుంది.
ఆకలేస్తే.. "దగ్గర్లో మంచి రెస్టారెంట్ ఏది?" అంటే లిస్ట్ చెబుతుంది. "క్యాబ్ బుక్ చెయ్" అంటే ఐఫోన్ లోని క్యాబ్ యాప్ తో కనెక్ట్ అయి బుక్ చేస్తుంది. టేబుల్ రిజర్వేషన్, కాఫీ ఆర్డర్, మూవీ టికెట్.. అన్నీ నోటి మాటతోనే!
ఇక్కడే యాపిల్ గూగ్లీ వేసింది. ప్రతి పనికి అద్దాల్లో యాప్ ఓపెన్ చేయక్కర్లేదు. మీరు చెబితే సిరి ఐఫోన్ యాప్స్ ద్వారా పని పూర్తి చేస్తుంది. అద్దాలు కొత్త యాప్ ప్లాట్ఫామ్ కాదు, వాయిస్తో నడిచే రిమోట్ లాంటివి!
ఐఫోన్ యాప్సే ఇంజిన్! అద్దాలు కేవలం మైక్-స్పీకర్..!
ఈ గ్లాసెస్లో యాప్స్ నేరుగా రన్ కావు. డెవలపర్లు తమ ప్రస్తుత ఐఫోన్ యాప్స్నే సిరి ఏఐకు కనెక్ట్ చేస్తారు. యూజర్ అద్దాల ద్వారా మాట్లాడి ఆ యాప్లోని ముఖ్య ఫీచర్లు వాడుకుంటాడు.
ఇందుకోసమే iOS 27.3 బీటాలో Siri కి యాప్స్లోని వివిధ ఫీచర్లను వాడుకునే శక్తి ఇచ్చే పనిలో యాపిల్ ఉందని రిపోర్టులు చెబుతున్నాయి. ముందు యాపిల్ సొంత యాప్స్, తర్వాత థర్డ్-పార్టీ యాప్స్కు ఈ సదుపాయం వస్తుంది. కోట్లాది ఐఫోన్ యాప్స్ నెట్వర్క్ ఉండటమే యాపిల్ కు అతిపెద్ద బలం.
స్క్రీన్ కనిపించదు! కానీ కళ్లు అన్నీ చూస్తాయి!
మొదటి వెర్షన్లో ఏఆర్ డిస్ప్లే ఉండదు. అంటే కళ్ల ముందు మ్యాప్లు, నోటిఫికేషన్లు గాల్లో తేలడం కనిపించదు. బదులుగా ఫోకస్ మొత్తం కెమెరా + మైక్ + స్పీకర్ + సిరి + విజువల్ ఇంటెలిజెన్స్ పైనే.
ఫ్రిజ్ తెరిచి "ఇందులో ఉన్న వాటితో ఏం వండొచ్చు?" అని అడగొచ్చు. విదేశీ భాష బోర్డు కనిపిస్తే అనువాదం అడగొచ్చు. ఫోన్ కాల్స్, మెసేజ్లు, క్యాలెండర్, రిమైండర్లు, మ్యూజిక్, స్మార్ట్ హోమ్ కంట్రోల్.. అన్నీ అద్దాలతోనే!
డిజైన్లోనూ యాపిల్ క్లాస్ చూపిస్తోంది. ప్రస్తుత ప్రోటోటైప్లు మెటా రే బాన్ సెకండ్ జెనరేషన్ కంటే కాస్త సన్నగా ఉన్నాయట. కెమెరా బయటకు పొడుచుకు రాకుండా ఫ్రేమ్లోనే ఫిట్ చేస్తున్నారు. చూడటానికి మామూలు కళ్లద్దాల్లానే ఉంటుంది. అనేక ఫ్రేమ్ డిజైన్లు, రంగులపై పని జరుగుతోంది. మ్యూజిక్, కాల్స్, ఫేస్ టైం ఆడియో కోసం స్పీకర్లు, ఛార్జింగ్ కోసం ఎడమ వైపు మాగ్నెటిక్ 3-పిన్ కనెక్టర్ టెస్ట్ చేస్తున్నారు.
అద్దాలు చూపు వేస్తున్నాయా? ప్రైవసీ మ్యాచ్లో యాపిల్ ప్లాన్!
కెమెరా ఉన్న అద్దాలు అంటే అందరికీ వచ్చే డౌట్.. నన్ను ఎవరైనా రికార్డ్ చేస్తున్నారా అని! మెటా అద్దాలపై ఇదే విమర్శ ఉంది.
దీనికి యాపిల్ కౌంటర్ ప్లాన్ వేసింది. ప్రోటోటైప్లో ఫ్రంట్ కెమెరా ఇండికేటర్ లైట్ ఉంది. కెమెరా ఆన్లో ఉందా, ఛార్జింగ్ అవుతోందా అనేది లైట్ చెబుతుంది. రికార్డింగ్ నియమాలు, చుట్టుపక్కల వారి అనుమతి విషయంలో యాపిల్ ఎలాంటి రూల్స్ పెడుతుందనేది చూడాలి. ఇదే ఈ మ్యాచ్లో కీలక టర్నింగ్ పాయింట్ కానుంది.
మొత్తంగా.. ఫోన్ యుగం తర్వాత కళ్ల యుగం మొదలైనట్లే! 2027 ఫైనల్ కోసం వేచి చూడాలి!




