Kanchili: బాధిత కుటుంబాలను పరామర్శించిన మాజీ ఎంపీపీ పైల దేవదాస్‌రెడ్డి

కంచిలి: కంచిలి ఆపదలో ఉన్నవారికి అండగా నిలవడం, కష్టసమయంలో బాధిత కుటుంబాలకు మనోధైర్యం కల్పించడం మానవీయ బాధ్యతగా భావిస్తూ కంచిలి మండల మాజీ ఎంపీపీ, జిల్లా వైఎస్సార్‌సీపీ ఉపాధ్యక్షుడు పైల దేవదాస్‌రెడ్డి ఇటీవల మృతి చెందిన నలుగురి కుటుంబాలను సోమవారం పరామర్శించారు. కంచిలి, సోంపేట మండలాల్లోని ఆయా గ్రామాలకు వెళ్లి మృతుల చిత్రపటాలకు నివాళులర్పించారు. కుటుంబ సభ్యులను ఓదార్చి, ప్రగాఢ సానుభూతి తెలియజేశారు.

కంచిలి మండలం గోకర్ణపురం పంచాయతీకి చెందిన వైఎస్సార్‌సీపీ మాజీ సర్పంచ్ యారాడ ఆనందరావు బావ శీర పురుషోత్తం (60) గుండెపోటుతో మృతి చెందగా, శాసనం పంచాయతీ జె. శాసనం గ్రామానికి చెందిన వైఎస్సార్‌సీపీ నాయకుడు జేజే రావు బావ గొరకల చలమయ్య (82) అనారోగ్యంతో కన్నుమూశారు.

కొల్లూరు పంచాయతీ కర్తలి గ్రామానికి చెందిన పైల లక్ష్మీనారాయణ తల్లి పైల రత్నాలు (78) అనారోగ్యంతో శ్రీకాకుళంలోని కిమ్స్ ఆసుపత్రిలో చికిత్స పొందుతూ మృతి చెందారు. అదేవిధంగా సోంపేట మండలం గొల్లూరు పంచాయతీకి చెందిన పత్రికా విలేఖరి గజ్జి షణ్ముఖరావు తల్లి గజ్జి సరస్వతి (80) ఇటీవల కన్నుమూశారు.

ఈ నాలుగు కుటుంబాలను పరామర్శించిన పైల దేవదాస్‌రెడ్డి, మృతుల కుటుంబ సభ్యులకు తన ప్రగాఢ సానుభూతి తెలియజేస్తూ, వారి కష్టంలో తామంతా తోడుగా ఉంటామని భరోసా ఇచ్చారు. బాధిత కుటుంబాలకు అవసరమైన సమయంలో అండగా నిలవాలని నాయకులకు సూచించారు.

ఈ కార్యక్రమంలో మాజీ పీఏసీఎస్ చైర్మన్, జిల్లా వైఎస్సార్‌సీపీ పంచాయతీరాజ్ ప్రధాన కార్యదర్శి దుర్గాసి ధర్మారావు, వైఎస్సార్‌సీపీ రాష్ట్ర చేనేత విభాగ ప్రధాన కార్యదర్శి కొనపల సురేష్, మండల కార్యదర్శి బేసి రమేష్, పైల గణేష్, గేదెల భీమరావు, పైల భీమరావుతో పాటు పలువురు నాయకులు, గ్రామ పెద్దలు, యువకులు పాల్గొన్నారు.