Theegul: రూ.5 లక్షల జీవిత బీమాపై తీగుల్ గ్రామస్థులకు విస్తృత అవగాహన!

Theegul: జగదేవ్‌పూర్ మండలం తీగుల్ గ్రామంలో శుక్రవారం సర్పంచ్ రజిత పరశురాములు రూ.5 లక్షల జీవిత బీమా పథకంపై ఇంటింటికీ కరపత్రాలు పంపిణీ చేసి అవగాహన కల్పించారు.

Osman Pathan, GAJEWL
Published on: 20 Nov 2026 8:51 PM IST
Theegul
X

Theegul: రూ.5 లక్షల జీవిత బీమాపై తీగుల్ గ్రామస్థులకు విస్తృత అవగాహన!

తీగుల్: గ్రామ ప్రజలకు ఆర్థిక భద్రత కల్పించడమే లక్ష్యంగా సిద్దిపేట జిల్లా జగదేవ్‌పూర్ మండలం తీగుల్ గ్రామంలో ఐదు లక్షల రూపాయల జీవిత బీమా పథకంపై విస్తృత అవగాహన కార్యక్రమం నిర్వహించారు. గ్రామ సర్పంచ్ రజిత పరశురాములు ఆధ్వర్యంలో చేపట్టిన ఈ కార్యక్రమంలో గ్రామంలోని ప్రతి ఇంటికీ వెళ్లి బీమా పథకానికి సంబంధించిన వివరాలతో కూడిన కరపత్రాలను పంపిణీ చేశారు.

ఈ సందర్భంగా సర్పంచ్ రజిత పరశురాములు మాట్లాడుతూ.. కుటుంబ పెద్దకు అనుకోని ప్రమాదం సంభవించినప్పుడు ఆ కుటుంబానికి ఆర్థికంగా అండగా నిలిచేందుకు జీవిత బీమా ఎంతగానో ఉపయోగపడుతుందని తెలిపారు. ఐదు లక్షల రూపాయల బీమా పథకం ప్రాధాన్యతను ప్రతి ఒక్కరూ తెలుసుకోవాలని, బీమాపై పూర్తి అవగాహన పెంచుకోవాలని గ్రామ ప్రజలకు సూచించారు.

గ్రామ ప్రజల సంక్షేమం, భద్రత, అభివృద్ధికి ప్రాధాన్యతనిస్తూ నిరంతరం కృషి చేస్తామని ఆమె పేర్కొన్నారు. ప్రజలకు ఉపయోగపడే ప్రభుత్వ సంక్షేమ పథకాలు, ఇతర ప్రయోజనకర కార్యక్రమాలపై గ్రామస్థులకు అవగాహన కల్పిస్తూ, వాటి ఫలాలు ప్రతి ఒక్కరికీ అందేలా కృషి చేస్తామని తెలిపారు.

Osman Pathan, GAJEWL

Osman Pathan, GAJEWL